തിരുവനന്തപുരം: എം. രാധാകൃഷ്ണന്‍ തിരുവനന്തപുരം പ്രസ് ക്ലബ് സെക്രട്ടറിയായി വീണ്ടും ചുമതലയേറ്റെടുത്തു. പ്രസ് ക്ലബിലെ യഥാര്‍ഥ സെക്രട്ടറി ആരാണെന്ന് തെളിവെടുപ്പ് നടത്തി കണ്ടെത്താന്‍ ഹൈക്കോടതി നിര്‍ശേിച്ചിരുന്നു. ഹൈക്കോടതി നിര്‍ദ്ദേശ പ്രകാരം തിരുവനന്തപുരം മുന്‍സീഫ് കോടതിയില്‍ നടന്ന കേസില്‍ എം രാധാകൃഷ്ണനാണ് തിരുവനന്തപുരം പ്രസ് ക്ലബ് സെക്രട്ടറിയെന്ന് കോടതി കണ്ടെത്തി. തുടര്‍ന്ന് പ്രസ്‌ക്ലബിലെത്തി വീണ്ടും അദേഹം ചുമതലയേറ്റെടുക്കുകയായിരുന്നു.
പ്രസ് ക്ലബ് ഭരണഘടനക്കു വിരുദ്ധമായി ജോയിന്റ് സെക്രട്ടറിയായിരുന്ന സാബു തോമസ് എം. രാധാകൃഷ്ണനെ സെക്രട്ടറി സ്ഥാനത്തുനിന്ന് പുറത്താക്കിയതായി കാണിച്ച് പത്രക്കുറിപ്പ് പുറത്തിറക്കിയിരുന്നു. ഇതില്‍ പ്രതിഷേധിച്ച് പ്രസിഡന്റ് സോണിച്ചന്‍, ട്രഷറര്‍ എസ്. ശ്രീകേഷ്, വൈസ് പ്രസിഡന്റ് ഹാരിസ് കുറ്റിപ്പുറം ഭരണ സമിതി അംഗങ്ങളായ അജി ബുധന്നൂര്‍, ഹണി, പി.എം. ബിജുകുമാര്‍, രാജേഷ് ഉള്ളൂര്‍, ലക്ഷമി മോഹന്‍ എന്നിവര്‍ പ്രസ് ക്ലബ് പ്രവര്‍ത്തനങ്ങളില്‍ നിന്നും വിട്ടു നിന്നിരുന്നു. കോടതി വിധിയുടെ അടിസ്ഥാനത്തില്‍ ഇവരും വെള്ളിയാഴ്ച പ്രസ് ക്ലബിലെത്തി പ്രവര്‍ത്തനങ്ങളില്‍ സജീവമായി.
പ്രതികരിക്കാൻ ഇവിടെ എഴുതുക: