ഗുവഹാത്തി : പ്രകടനപത്രികയില്‍ വ്യാജ വാഗ്ദാനങ്ങള്‍ മുമ്പോട്ട് വയ്‌ക്കുന്ന കോണ്‍ഗ്രസിനെ ഒരു സംസ്ഥാനവും വിശ്വാസത്തിലെടുക്കില്ലെന്ന് പ്രധാനമന്ത്രി നരേന്ദ്രമോദി. കോണ്‍ഗ്രസെന്നാല്‍ തട്ടിപ്പ്, കോണ്‍ഗ്രസെന്നാല്‍ അധികാരക്കൊതിയാണ്, മതങ്ങളെ തമ്മിലടുപ്പിക്കുന്ന ശക്തിയാണ് കോണ്‍ഗ്രസ്സെന്നും അദ്ദേഹം പറഞ്ഞു. അസമില തെരഞ്ഞെടുപ്പ് പ്രചാരണത്തില്‍ പങ്കെടുത്ത് സംസാരിക്കുകയായിരുന്നു പ്രധാനമന്ത്രി.
അധികാര കൊതി കാരണം തോന്നും പോലെ സഖ്യത്തിലേര്‍പ്പെടുന്ന കോണ്‍ഗ്രസിന് ഇത്തവണ കനത്ത തിരിച്ചടി ലഭിക്കും. കേരളത്തിലടക്കം ഈ തെരഞ്ഞെടുപ്പില്‍ ജനങ്ങള്‍ ഇതിനെല്ലാം മറുപടി നല്‍കും. പ്രകടനപത്രികയില്‍ വ്യാജ വാഗ്ദാനങ്ങള്‍ മുന്നോട്ട് വെയ്‌ക്കുള്ള കോണ്‍ഗ്രസ്സിനെ ഒരു സംസ്ഥാനവും പിന്തുണയ്‌ക്കില്ല. അസമില്‍ ഭരണതുടര്‍ച്ചയുണ്ടാകുമെന്നും മോദി അവകാശപ്പെട്ടു.
തട്ടിപ്പുകാരുടെ കൈയിലേക്ക് അസം ജനതയെ വിട്ടുകൊടുക്കില്ല. പശ്ചിമബംഗാളിലേയും, ബിഹാറിലേയും, മഹാരാഷ്‌ട്രയിലെയും കോണ്‍ഗ്രസിന്റെ സഖ്യങ്ങളെ പരിഹസിച്ച പ്രധാനമന്ത്രി ഒരു സംസ്ഥാനത്തും ഇനി കോണ്‍ഗ്രസ്സിന് ഭാവിയില്ലെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: