കൈപ്പമംഗലം: ചെറുപ്പം മുതലേ ഫോട്ടോഗ്രഫിയോടും വീഡിയോഗ്രഫിയോടും താത്പര്യമുണ്ടായിട്ടും നല്ലൊരു ക്യാമറ വാങ്ങാന്‍ വഴിയില്ലാതെ വിഷമിച്ച പെരിഞ്ഞനം സ്വദേശി ശ്രീജിത്തിന് സഹായമായി പ്രധാനമന്ത്രിയുടെ മുദ്ര ലോണ്‍. ഫോട്ടോഗ്രാഫിയോട് അതിയായ താത്പര്യമുണ്ടായിട്ടും 15 വര്‍ഷമാണ് ശ്രീജിത്ത് നല്ലൊരു ക്യാമറയ്‌ക്കായ് കാത്തിരുന്നത്.
മുദ്ര ലോണിനെ കുറിച്ച് അറിഞ്ഞതും സമീപത്തെ കാനറ ബാങ്കില്‍ ചെന്നു. മനേജരോട് കാര്യം പറഞ്ഞു. മൂന്ന് ദിവസം കൊണ്ട് എന്റെ സ്വപ്നം യാഥാര്‍ഥ്യമായി. എനിക്ക് നിക്കോണ്‍ കമ്പനിയുടെ ഒരു ക്യാമറ സ്വന്തം. ശ്രീജിത്ത് പറയുന്നു. നല്ലൊരു ടെലിലെന്‍സും സ്വന്തമായി. പിന്നെ ഒട്ടും വൈകിയില്ല. നിരവധി വൈല്‍ഡ്ലൈഫ് ചിത്രങ്ങള്‍, കല്ല്യാണവര്‍ക്കുകള്‍, ഷോര്‍ട്ട് ഫിലിമുകള്‍ സംവിധാനവും ഛായാഗ്രഹണവും അങ്ങനെ എല്ലാമായി ശ്രീജിത്ത് ഇപ്പോള്‍ തിരക്കിലാണ്. കൂടെ ഫോട്ടോഗ്രാഫി പുരസ്‌കാരങ്ങളും. ലോണും അടച്ചു തീര്‍ത്തു.
ഇന്ന് കേരളത്തില്‍ അറിയപ്പെടുന്ന വൈല്‍ഡ്ലൈഫ് ഫോട്ടോഗ്രാഫറും സംവിധായകനുമാണ് ശ്രീജിത്ത്. മുദ്രലോണ്‍ മാറ്റിമറിച്ചത് ജീവിതമാണെന്ന് ശ്രീജിത്ത് സന്തോഷത്തോടെ പറയുന്നു.
സുനില്‍ പെരിഞ്ഞനം
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: