കോഴിക്കോട്: നിയമസഭാ തെരഞ്ഞെടുപ്പിനുള്ള നാമനിര്ദേശ പത്രികാ സമര്പ്പണത്തിനുള്ള അവസാനദിവസമായ വെള്ളിയാഴ്ച ബിജെപി സംസ്ഥാന ജനറല് സെക്രട്ടറിയും കോഴിക്കോട് നോർത്ത് നിയോജമണ്ഡലത്തിലെ എൻഡിഎ സ്ഥാനാർത്ഥിയുമായ എംടി രമേശ് നാമനിർദ്ദേശപത്രിക സമർപ്പിച്ചു.
എന്ഡിഎ തെരഞ്ഞെടുപ്പ് ഓഫിസിൽ മുൻപിൽ നിന്ന് നൂറ് കണക്കിന് പ്രവർത്തകരുടെയും വാദ്യമേളങ്ങളുടെയും അകമ്പടിയോടയൊണ് കളക്ടറേറ്റിൽ എത്തി പത്രിക സമർപ്പിച്ചത്. കർണാടക മുൽക്കി മുടബദ്രരി എംഎൽഎ ഉമനാഥ് കോട്ടിയൻ, ജില്ലാ ജന:സെക്രട്ടറി എം.മോഹനൻ മാസ്റ്റർ എന്നിവർ ഒപ്പം ഉണ്ടായിരുന്നു.
കോഴിക്കോട് നോര്ത്തില് ശക്തമായ ത്രികോണമത്സരത്തിനാണ് കളമൊരുങ്ങുന്നത്. ഇവിടെ തോട്ടത്തില് രവീന്ദ്രനാണ് എല്ഡിഎഫ് സ്ഥാനാര്ത്ഥി. കെ.എം. അഭിജിത്താണ് യുഡിഎഫ് സ്ഥാനാര്ത്ഥി.
നാമനിര്ദേശ പത്രികാ സമര്പ്പണത്തിനുള്ള അവസാനദിവസമായ വെള്ളിയാഴ്ച സംസ്ഥാനത്തെ വിവിധ ജില്ലകളില് നിരവധി പേരാണ് പത്രിക സമര്പ്പിക്കാന് എത്തിയത്. സൂക്ഷ്മപരിശോധന ശനിയാഴ്ച രാവിലെ 11 മണി മുതല് ആരംഭിക്കും. നാമനിര്ദേശ പത്രിക പിന്വലിക്കാന് തികളാഴ്ച വൈകിട്ട് മൂന്ന് മണിവരെ സമയമുണ്ട് .
