പാലക്കാട് : ബിജെപി പാലക്കാട് മണ്ഡലം സ്ഥാനാര്‍ത്ഥി ഇ. ശ്രീധരന്‍ നാമനിര്‍ദ്ദേശ പത്രിക സമര്‍പ്പിച്ചു. പാലക്കാട് വരണാദികാരി ആര്‍ഡിഒ എന്‍.എസ്. ബിന്ദുവിനാണ് മെട്രോമാന്‍ നാമനിര്‍ദ്ദേശ പത്രിക കൈമാറിയത്. കോവിഡ് പ്രോട്ടോക്കോളുകള്‍ പാലിച്ച് ആളും ആരവങ്ങളും ഒഴിവാക്കിയാണ് ഇ. ശ്രീധരന്‍ പത്രിക നല്‍കിയത്.
10.50 എത്തി നടപടികള്‍ പൂര്‍ത്തിയാക്കി 11 മണിയോടെയാണ് ഇ. ശ്രീധരന്‍ നാമ നിര്‍ദ്ദേശ പത്രിക നല്‍കിയത്. ബിജെപി ജില്ലാ അധ്യക്ഷന്‍ അഡ്വ. ഇ. കൃഷ്ണദാസ്, പാലക്കാട് മണ്ഡലം പ്രസിഡന്റ് സ്മിതേഷ്, ജനറല്‍ സെക്രട്ടറി എം. ശശികുമാര്‍ എന്നിവരും പത്രികാ സമര്‍പ്പണവേളയില്‍ മെട്രോമാനെ അനുഗമിച്ചു. ആദ്യ സെറ്റ് പത്രികയാണ് ഇപ്പോള്‍ നല്‍കിയത്.
പാലക്കാട് വിജയം ഉറപ്പാണ്. ആത്മവിശ്വാസമുണ്ടെന്നും ബിജെപി സ്ഥാനാര്‍ത്ഥി ഇ ശ്രീധരന്‍ പത്രികാ സമര്‍പ്പണത്തിന് ശേഷം പ്രതികരിച്ചു. ഡിജിറ്റല്‍ പ്രചാരണത്തിനായിരിക്കും കൂടുതല്‍ പ്രാധാന്യം നല്‍കുകയെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: