മീററ്റ്(ഉത്തര്‍പ്രദേശ്): വെളിയില്‍ ഉണക്കാനിട്ടിരുന്ന സ്ത്രീകളുടെ അടിവസ്ത്രങ്ങള്‍ മോഷ്ടിച്ച സംഭവത്തില്‍ രണ്ടു യുവാക്കള്‍ പിടിയില്‍. രണ്ടുപേര്‍ അയയില്‍നിന്ന് അടിവസ്ത്രങ്ങള്‍ കൈക്കലാക്കി സ്‌കൂട്ടറില്‍ കടന്നുകളയുന്ന ദൃശ്യങ്ങള്‍ ക്യാമറയില്‍ പതിഞ്ഞിരുന്നു. സംഭവവുമായി ബന്ധപ്പെട്ട് മൊഹ്ദ് റോമിന്‍, മൊഹ്ദ് അബ്ദുൾ എന്നിവരെയാണ് സദര്‍ പൊലീസ് അറസ്റ്റ് ചെയ്തത്. തമാശയ്‌ക്കുവേണ്ടി ചെയ്തതെന്നാണ് ഇരുവരുടെയും മൊഴി.
മോഷണം, സ്ത്രീത്വത്തെ അപമാനിക്കല്‍ എന്നീ വകുപ്പുകള്‍ പൊലീസ് ചുമത്തി. മാര്‍ച്ച് 14ന് സഞ്ജയ് ചൗധരിയെന്ന ആളാണ് സദര്‍ ബസാര്‍ പൊലീസില്‍ പരാതി നല്‍കിയത്. വീടിനുപുറത്ത് ഉണക്കാനിട്ടിരുന്ന പ്രായപൂര്‍ത്തിയാകാത്ത മകളുടെ അടിവസ്ത്രങ്ങള്‍ രണ്ടുപേര്‍ മോഷ്ടിക്കുന്ന വീഡിയോ പക്കലുണ്ടെന്ന് ചൂണ്ടിക്കാട്ടിയായിരുന്നു പരാതി. വീഡിയോ പ്രചരിച്ചതോടെ വലിയ പ്രതിഷേധം സമൂഹമാധ്യമങ്ങളിലുണ്ടായി.
സംഭവത്തിന് പിന്നില്‍ എന്തോ നിഗൂഢതയുണ്ടെന്ന് പലരും അഭിപ്രായപ്പെട്ടു. അടിവസ്ത്രം മോഷ്ടിച്ചവരെകുറിച്ചുള്ള വാര്‍ത്ത വന്നതോടെ #PantyChorAbdul എന്ന ഹാഷ്ടാഗ് ട്വിറ്ററില്‍ ട്രെന്‍ഡിംഗ് ആയി. സംഭവം പലരെയും അമ്പരിപ്പിച്ചുവെങ്കിലും പിന്നാലെ ട്രോളുകളും ജിഫുകളും കൊണ്ട് സമൂഹമാധ്യമങ്ങള്‍ നിറഞ്ഞു.
പ്രതികരിക്കാൻ ഇവിടെ എഴുതുക: