കൊട്ടാരക്കര: കൊട്ടാരക്കരയില്‍ ജനകീയനായി പര്യടനം തുടരുകയാണ് എന്‍ഡിഎ സ്ഥാനാര്‍ത്ഥി വയയ്ക്കല് സോമന്‍. മത മേലധ്യക്ഷന്മാരുടെ ആശീര്‍വാദങ്ങള്‍ ഏറ്റുവാങ്ങിയായിരുന്നു ഇന്നലത്തെ അദ്ദേഹത്തിന്റെ പ്രചാരണം. മലങ്കര മാര്‍ത്തോമ്മാ സുറിയാനി സഭാ കൊട്ടാരക്കര-പുനലൂര്‍ ഭദ്രാസനം അദ്ധ്യക്ഷന്‍ ഡോ. യുയാക്കീം മാര്‍ കുറിലോസ് എപ്പിസ്‌കോപ്പയെ നേരിട്ട് കണ്ട് അനുഗ്രഹം വാങ്ങി. ബിജെപി നേതാക്കളായ കെ.ആര്‍.രാധാകൃഷ്ണന്‍, പി.എം. രവികുമാര്‍, തൃക്കണ്ണമംഗല്‍ അനില്‍കുമാര്‍, രാജഗോപാല്‍, അനീഷ് കിഴക്കേക്കര, രാഗി, മുരളിമോന്‍ ശശി എന്നിവര്‍ ഒപ്പമുണ്ടായിരുന്നു.
തുടര്‍ന്ന് സിദ്ധനര്‍ സര്‍വീസ് സൊസൈറ്റി ജനറല്‍ സെക്രട്ടറി കെ.രവി കുമാര്‍, സംസ്ഥാന രജിസ്റ്റാര്‍ എ. രാധാകൃഷ്ണന്‍, ഓഡിറ്റര്‍ കെ.എ. രാഘവന്‍, ഗോപാല്‍ എന്നിവരെയും സന്ദര്‍ശിച്ചു. മണ്ഡലത്തിന്റെ വിവിധ ഭാഗങ്ങളില്‍ നിന്നും മികച്ച സ്വീകരണങ്ങള്‍ ഏറ്റുവാങ്ങിയാണ് വയയ്ക്കല് സോമന്റെ പ്രചരണ പരിപാടികള്‍ പുരോമിച്ചത്.
പ്രതികരിക്കാൻ ഇവിടെ എഴുതുക: