കൊച്ചി: മഹാരാജാസ് കോളജില് എസ്എഫ്ഐ നേതാവ് അടക്കമുള്ളവര് സംഘം ചേര്ന്ന് റാഗ് ചെയ്തതായി മലപ്പുറം സ്വദേശിയായ വിദ്യാര്ഥിയുടെ പരാതി. ഹോസ്റ്റല് മുറിയില് പൂട്ടിയിട്ട് മര്ദിക്കുകയും വിവസ്ത്രനാക്കി ഫോട്ടോ എടുത്തുവെന്നുമാണ് ഒന്നാം വര്ഷ മലയാള വിഭാഗം വിദ്യാര്ത്ഥി റോബിന് പരാതിപ്പെട്ടത്. വെളളിയാഴ്ച വൈകിട്ടാണ് സംഭവങ്ങളുടെ തുടക്കം.
രാത്രി എട്ടുമുതല് പിറ്റേദിവസം രാവിലെ 11 വരെ എസ്എഫ്ഐ യൂണിറ്റ് സെക്രട്ടറി അടക്കമുള്ളവർ സംഘം ഹോസ്റ്റല് മുറിയില് പൂട്ടിയിടുകയായിരുന്നുവെന്ന് റോബിന് ആരോപിക്കുന്നു. പിന്നീടാണ് മര്ദിച്ച് അവശനാക്കിയതും വിവസ്ത്രനാക്കി ഫോട്ടോ എടുത്തതും.
എസ്എഫ്ഐയുടെ പിരിവിന് ഇറങ്ങാന് വിസമ്മതിച്ചതാണ് എസ്എഫ്ഐ പ്രവര്ത്തകരെ ചൊടിപ്പിച്ചത്. തുടര്ന്ന് മര്ദിക്കുയായിരുന്നുവെന്ന് റോബിന് പറയുന്നു. പട്ടിണിക്കിട്ടശേഷം രാത്രിയില് ഉറങ്ങാന് അനുവദിച്ചില്ല. ഇരുമ്പു ദണ്ഡുകൊണ്ട് കാല്മുട്ടിലടക്കം മര്ദിച്ചു.
പരാതി നല്കിയാല് കേസില് കുടുക്കുമെന്ന് ഭീഷണിപ്പെടുത്തിയതായും റോബിന്റെ സുഹൃത്ത് പ്രതികരിച്ചു. കോളജിന് പുറത്തുള്ളവരും അക്രമി സംഘത്തിലുണ്ടായിരുന്നു. എറണാകുളം സെന്ട്രല് പൊലീസ് കേസ് എടുത്ത് അന്വേഷണം തുടങ്ങി.
