തിരുവനന്തപുരം: കേരളത്തിലെ നാലു ജില്ലകളിൽ ശക്തമായ കാറ്റും മഴയും ഉണ്ടാകുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇടുക്കി, പാലക്കാട്, കോഴിക്കോട്, വയനാട് എന്നീ ജില്ലകളിലാണ് മഴയുണ്ടാകുമെന്ന് അറിയിച്ചിരിക്കുന്നത്. ഇതേത്തുടർന്ന് ഈ ജില്ലകളിൽ യെല്ലോ അലർട്ട് പ്രഖ്യാപിച്ചു. ഒറ്റപ്പെട്ടയിടങ്ങളിൽ 24 മണിക്കൂറിൽ 64.5എം.എം മുതൽ 115.5 എം.എം വരെ ശക്തമായ മഴ പെയ്യും.
കഴിഞ്ഞ ദിവസങ്ങളിൽ സംസ്ഥാനത്ത് പലയിടങ്ങളിലും മഴ ലഭിച്ചിരുന്നു. വേനൽ മഴ കുറഞ്ഞതിനാൽ സംസ്ഥാനം കടുത്ത ചൂടിന്റെ പിടിയിലാണ്.
