ബിഎംഎസ് ജില്ലകമ്മിറ്റി സംഘടിപ്പിച്ച വനിത ശില്പശാല സംസ്ഥാന സമിതിയംഗം രമണി ഉദ്ഘാടനം ചെയ്യുന്നു
കൊല്ലം: സ്ത്രീസമൂഹം വെല്ലുവിളികള്‍ ഏറ്റെടുക്കാന്‍ തയ്യാറാകണമെന്ന് ബിഎംഎസ് സംസ്ഥാന സമിതിയംഗം രമണി. അന്താരാഷ്‌ട്ര വനിതാ ദിനത്തില്‍ ബിഎംഎസ് ജില്ലകമ്മിറ്റി സംഘടിപ്പിച്ച വനിത ശില്പശാല ഉദ്ഘാടനം ചെയ്യുകയായിരുന്നു അവര്‍.
സ്ത്രീവിരുദ്ധ കൃതിയായ മീശയ്ക്ക് പുരസ്‌കാരം നല്‍കിയത് സ്ത്രീകളെ പരസ്യമായി അപമാനിക്കുന്നതിനും ആത്മാഭിമാനത്തെ തകര്‍ക്കുന്നതിനും തുല്യമാണ്. ഇതിനെതിരെ സ്ത്രീസമൂഹം ഒറ്റക്കെട്ടായി പോരാടണമെന്ന് ആവശ്യപ്പെട്ടു. കേന്ദ്ര സര്‍ക്കാര്‍ പദ്ധതികളെ കുറിച്ച് അഡ്വ. രൂപ ബാബു ക്ലാസ്സ് എടുത്തു. ജില്ലാ വൈസ് പ്രസിഡന്റ് സജിലകുമാരി അധ്യക്ഷയായി. സമാപനസമ്മേളനം സംസ്ഥാനസെക്രട്ടറി സി.ജി. ഗോപകുമാര്‍ ഉദ്ഘാടനം ചെയ്തു. ജില്ല പ്രസിഡന്റ് എസ്. വാരിജാക്ഷന്‍, സെക്രട്ടറി ആര്‍. അജയന്‍, രാജി, നസിയ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക