കൊല്ലം: അഴിമതിയും തട്ടിപ്പും മുഖമുദ്രയാക്കിയ സര്‍ക്കാരാണ് പിണറായി വിജയന്റേതെന്ന് കേന്ദ്ര ധനകാര്യ സഹമന്ത്രി അനുരാഗ് താക്കൂര്‍. പൊതുകടം ഇരട്ടിച്ചതാണ് ഇടതു സര്‍ക്കാരിന്റെ ഏറ്റവും വലിയ നേട്ടമെന്നും ബിജെപി സംസ്ഥാന അദ്ധ്യക്ഷന്‍ കെ.സുരേന്ദ്രന്‍ നയിച്ച വിജയയാത്രയ്‌ക്ക് കൊല്ലത്ത് നല്‍കിയ സ്വീകരണ യോഗത്തില്‍ അദ്ദേഹം പറഞ്ഞു. സിപിഎം അഴിമതി പ്രസ്ഥാനമായി മാറി. തൊഴിലാളി വര്‍ഗ പാര്‍ട്ടിയെന്ന് അവകാശപ്പെടുന്ന സിപിഎം തൊഴിലാളികളെ ദ്രോഹിക്കുകയാണ്. ബിജെപി അധികാരത്തില്‍ എത്തിയാല്‍ കശുവണ്ടി തൊഴിലാളികളുടെ പ്രശ്‌നങ്ങള്‍ പരിഹരിക്കും.
ആഴക്കടല്‍ മത്സ്യബന്ധന കരാര്‍ മത്സ്യതൊഴിലാളികളെ ഒറ്റുകൊടുക്കലായിരുന്നു. കേന്ദ്ര സര്‍ക്കാര്‍ മത്സ്യതൊഴിലാളികള്‍ വേണ്ടി പ്രത്യേക ഫിഷറീസ് വകുപ്പ് രൂപീകരിച്ചപ്പോള്‍ സംസ്ഥാന സര്‍ക്കാര്‍ അവരുടെ ഉപജീവനമാര്‍ഗം ഇല്ലാതാക്കാനാണ് ശ്രമിച്ചത്. യുപിഎ ഭരണകാലത്ത് കേരളത്തില്‍ നിന്നുള്ള എട്ട് മന്ത്രിമാര്‍ ഉണ്ടായിട്ടും ആ സര്‍ക്കാര്‍ സംസ്ഥാനത്തിന് അനുവദിച്ചതിന്റെ മൂന്നിരട്ടി ഫണ്ട് നരേന്ദ്രമോദി സര്‍ക്കാര്‍ അനുവദിച്ചുവെന്നും അനുരാഗ് താക്കൂര്‍ പറഞ്ഞു.
പ്രതികരിക്കാൻ ഇവിടെ എഴുതുക: