പരസ്യമായി തന്തയ്‌ക്കു വിളിച്ച കോന്നി എംഎല്‍എ ജെനീഷിന്റെ കരണത്തടിച്ചെന്ന് കോണ്‍ഗ്രസ് നേതാവ്; കള്ളം പ്രചരിപ്പിക്കുന്നിന് ഒരു മര്യാദ വേണ്ടേ എന്ന് മറുപടി

പത്തനംതിട്ട: പരസ്യമായി കാണ്‍ഗ്രസ് മണ്ഡലം പ്രസിഡന്റിന്റെ തന്തയ്‌ക്ക് വിളിച്ച കോന്നി സിപിഎം എംഎല്‍എ കെ.യു. ജനീഷ്‌കുമാറിന്റെ കരണകുറ്റിക്ക് അടിയേറ്റെന്ന് പ്രചാരണം.എന്നാല്‍ ഇതുമായി ബന്ധപ്പെട്ട് എം.എല്‍എ ഒരു പരാതിയും നല്‍കിയിട്ടുമില്ല.  സ്വന്തം നാടായ സീതതത്തോട്ടിലാണ് സംഭവം. സംഭവത്തിന് പിന്നാലെ മണ്ഡലം പ്രസിഡന്റ് തന്നെ തന്തയ്‌ക്ക് വിളിക്കുകയും അസഭ്യം പറയുകയും ചെയ്ത എം.എല്‍എയോട് താന്‍ പ്രതികരിച്ച രീതിയെപ്പറ്റി വോയിസ് മെസേജും ഇട്ടു. ഈ മെസേജ് വിവിധ ഗ്രൂപ്പുകളില്‍ വൈറലായി. സംഭവം സ്ഥലത്ത് പാര്‍ട്ടി പ്രവര്‍ത്തകരുടെക്കം നിരവധി ആളുകല്‍ ഉണ്ടായിരുന്നെങ്കിലും  

തെരഞ്ഞെടുപ്പ് കാലമായതിനാല്‍ എം.എല്‍എയും സംഘവും തിരിച്ച് പ്രതികരിച്ചില്ല. എന്നാലും ഇതുമായി ബന്ധപ്പെട്ട് അവിടെ കൂടിയ ചിലര്‍ ഷൂട്ട് ചെയ്ത വീഡിയോ എം.എല്‍.എയുടെ അനുകൂലികള്‍ നിര്‍ബന്ധിച്ച് ഫോണുകളില്‍ നിന്നു നീക്കവും ചെയ്തു.

കഴിഞ്ഞ ദിവസമാണ് സീതത്തോട്ടില്‍ ഈ സംഭവം അരങ്ങേറിയത്.17 വര്‍ഷം മാത്രം പഴക്കമുള്ളപഞ്ചായത്ത് വക ഷോപ്പിംഗ് കോംപ്ളക്സ് പൊളിച്ചുനീക്കി പുതിയത് പണിയുവാനുള്ള നീക്കം അഴിമതി നടത്താനാണന്ന് ആരോപണം ഉയര്‍ന്നിരുന്നു.ഇതിനിടെ ഷോപ്പിംഗ് കോംപ്ളക്സ് പൊളിക്കാന്‍ പഞ്ചായത്ത് പ്രസിഡന്റ് ജോബി.ടി ഈശോയുടെ നേതൃത്വത്തില്‍ ഉദ്യോഗസ്ഥര്‍ ജെസിബിയുമായി എത്തിയത്. .തുടര്‍ന്ന് കോണ്‍ഗ്രസ് മണ്ഡലം പ്രസിഡന്റ് രതീഷ് ആര്‍ നായരുടെ നേതൃത്വത്തില്‍ കോണ്‍ഗ്രസ് പ്രവര്‍ത്തകര്‍ സംഘടിച്ചെത്തി പൊളിക്കല്‍ തടഞ്ഞു. ഈ സമയം സീതത്തോട്ടിലെ വീട്ടില്‍ നിന്നും പത്തനംതിട്ടയിലേക്ക് പോവുകയായിരുന്ന ജനീഷ് കുമാര്‍ എം എല്‍ എ ആള്‍ക്കൂട്ടത്തിനടുത്തേക്ക് എത്തി.

തുടര്‍ന്ന് രതീഷ് ആര്‍ നായരുടെ തന്തക്ക് വിളിച്ചു. എന്നാല്‍ തിരിച്ചു ചീത്ത വിളിക്കാതെ ഒരു ഒന്നു കൊടുത്ത് താന്‍ എം എല്‍ എ യെ യാത്രയാക്കിയതായി രതീഷ് ആര്‍ നായര്‍ പറയുന്ന വോയിസാണ് പ്രാദേശിക മാധ്യമങ്ങള്‍ പുറത്തുവിട്ടത്.  എന്നാല്‍, വിഷയം നാണക്കേട് ആയതോടെ ഫേസ്ബുക്കില്‍ വിശദീകരണവുമായി എംഎല്‍എ തന്നെ രംഗത്തെത്തി. കള്ളം പ്രചരിപ്പിക്കുമ്പോള്‍ ഒരു മര്യാദ ഒക്കെ വേണ്ടേ എന്നായിരുന്നു പ്രതികരണം

ജെനീഷിന്റെ പോസ്റ്റിന്റെ പൂര്‍ണരൂപം-  

കള്ളം പ്രചരിപ്പിക്കുമ്പോള്‍ ‘അക്രമത്തിന് നേതൃത്വം കൊടുത്ത് സി പി ഐ എം MLA’ അല്ലെങ്കില്‍ ‘പണി കഴിപ്പിച്ച 100 റോഡുകളില്‍ നിന്ന് MLA വീട്ടിലേക്ക് കൊണ്ട് പോയത് 200 കോടി, കുരുക്ക് മുറുകുന്നു’ എന്നൊക്കെയുള്ള നിങ്ങളുടെ സ്ഥിരം പാറ്റേണിലെ കള്ളങ്ങള്‍ പറയാന്‍ ശ്രദ്ധിക്കുക. അല്ലാതെ ഇതൊരുമാതിരി..!

ഇലക്ഷന്‍ തീയതി പ്രഖ്യാപിച്ചിട്ടല്ലെ ഒള്ളൂ ഇപ്പോഴെ വ്യാജവാര്‍ത്ത മൊത്തം അടിച്ചു വിട്ടാല്‍ ബാക്കി ബി.ജെ.പി ഐ ടി സെല്ലിന്റ കയ്യില്‍ നിന്ന് കടം വാങ്ങേണ്ടി വരുമല്ലോ…

ഒരു മര്യാദയൊക്കെ വേണ്ടടേ.??