കന്യാകുമാരി: വയനാട് എംപി രാഹുല്‍ ഗാന്ധിയെ കടലില്‍ പോകുന്നതില്‍ നിന്നു വിലക്കി. അപകടം ഉണ്ടാകാന്‍ സാധ്യതയുള്ളതിനാല്‍ കന്യാകുമാരി ജില്ലാ ഭരണകൂടമാണ് വിലക്കേര്‍പ്പെടുത്തിയിരിക്കുന്നതെന്ന് ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നു.. കന്യാകുമാരി തേങ്ങാപട്ടണത്തുനിന്നാണ് രാഹുല്‍ കടലില്‍ പോകാന്‍ തീരുമാനിച്ചത്.
കഴിഞ്ഞ ആഴ്ച കേരളത്തില്‍ എത്തിയ രാഹുല്‍ ഗാന്ധി മത്സ്യത്തൊഴിലാളികളോടൊപ്പം തങ്കശ്ശേരി കടപ്പുറത്തുനിന്നും കടലില്‍പ്പോയി വീഡിയോ ഷൂട്ട് ചെയ്തിരുന്നു. ഇതേ പരിപാടിയാണ് കന്യാകുമാരിയിലും ആസൂത്രണം ചെയ്തത്. എന്നാല്‍, കടലില്‍ അപകടകരമായരീതിയില്‍ തിര ഉയര്‍ന്നതിനാലാണ് രാഹുലിന് അനുമതി നിഷേധിച്ചത്.
പ്രതികരിക്കാൻ ഇവിടെ എഴുതുക: