ആലപ്പുഴ : വാളയാറില് പീഡനത്തിനിരയായി മരിച്ച രണ്ടു പെണ്കുട്ടികളുടെ ‘അമ്മ മക്കള്ക്ക് നീതി ലഭിക്കുവാന് തല മുണ്ഡനം ചെയ്യണ്ടി വന്നത് സാക്ഷര കേരളത്തെയും നിയമ വ്യവസ്ഥയെയും ലജ്ജിപ്പിക്കുന്നതാണെന്ന് ബിജെപി ജില്ലാ പ്രസിഡണ്ട് എം.വി. ഗോപകുമാര്.
കുട്ടികള്ക്ക് നീതി ഉറപ്പ് വരുത്തുവാന് സര്ക്കാര് അടിയന്തിര ഇടപെടല് ഉണ്ടാവണം.കേസ് അട്ടിമറിച്ച പോലീസ് ഉദ്യോഗസ്ഥര്ക്കെതിരെ കര്ശന നടപടി സ്വീകരിക്കണമെന്നും ഗോപകുമാര് ആവശ്യപ്പെട്ടു. വാളയാര് പെണ്കുട്ടികളുടെ അമ്മ, തലമുണ്ഡനം ചെയ്തു നടത്തിയ പ്രതിഷേധത്തിന് ഐക്യദാര്ഡ്യവുമായി പട്ടികജാതി മോര്ച്ച ജില്ലാ വൈസ് പ്രസിഡന്റ് എം.ഡി.സിബിലാല് തല മുണ്ഡനം ചെയ്ത് നടത്തിയ പ്രതിഷേധം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പട്ടികജാതി മോര്ച്ച ജില്ലാ ജനറല് സെക്രട്ടറി മോഹന്കുമാര് ബുധനൂര് അധ്യക്ഷനായി. ബിജെപി ജില്ലാ ജനറല് സെക്രട്ടറി പി.കെ.വാസുദേവന്, ജില്ലാ വൈസ് പ്രസിഡന്റ്മാരായ എല്.പി.ജയചന്ദ്രന്, സി.എ.പുരുഷോത്തമന്, ജില്ലാ സെല് കോ-ഓഡിനേറ്റര് ജി.വിനോദ് കുമാര്, ഒബിസി മോര്ച്ച ജില്ലാ പ്രസിഡന്റ് കെ.പ്രദീപ് , ബിജെപി നിയോജക മണ്ഡലം പ്രസിഡന്റ് വി.ശ്രീജിത്ത്, പട്ടികജാതി മോര്ച്ച ജില്ലാ ഭാരവാഹികളായ സുനില് കുമാര്, ബാബു മുഹമ്മ, സുഭാഷ് കോടം തുരുത്ത്, വിജയന് ആലപ്പുഴ, ജി.രമേശന്, ബിജെപി നിയോജക മണ്ഡലം ഭാരവാഹികളായ കെ. അനില്കുമാര്, വി.ബാബുരാജ്, അജു പാര്ത്ഥസാരഥി, എ.ഡി.പ്രസാദ്കുമാര്, അഭിലാഷ് ഗോപി എന്നിവര് സംസാരിച്ചു.
ചിത്രം വാളയാര് പെണ്കുട്ടികളുടെ അമ്മയ്ക്ക് ഐക്യദാര്ഢ്യം പ്രഖ്യാപിച്ച് പട്ടികജാതി മോര്ച്ച ജില്ലാ വൈസ് പ്രസിഡന്റ് എം.ഡി.സിബിലാല് തല മുണ്ഡനം ചെയ്യുന്നു.
