ചാലക്കുടി: ആളൂരില് 17 വയസുള്ള പെണ്കുട്ടിയെ ക്രൂര പീഡനത്തിനിരയാക്കിയ കേസിലെ ഏഴ് പ്രതികള് അറസ്റ്റില്. വി.ആര്.പുരം സ്വദേശികളായ മോനപ്പിള്ളി വീട്ടില് അരുണ് (28), കുളങ്ങര വീട്ടില് വിഷ്ണു (20), ഐനിക്കാടന് വീട്ടില് അനീഷ് (30), വെള്ളാഞ്ചിറ പാറപറമ്പില് മിഥുന് (30), ആളൂര് സ്വദേശികളായ അരിക്കാട്ട് വീട്ടില് ഡെല്വിന് (26), നെടിയകാലായി ജോബന് (38) മനക്കുളങ്ങര പറമ്പില് നസീര് (52) എന്നിവരാണ് പിടിയിലായത്. പ്രതികള്ക്കെതിരെ പോക്സോ നിയമപ്രകാരം കേസെടുത്തു.
കേസില് ഇനിയും പ്രതികള് പിടിയിലാകാനുണ്ട്. വ്യാഴാഴ്ചയായിരുന്നു സംഭവം. പ്രതികള് പലപ്പോഴായി കൂട്ടമായും തനിച്ചും പീഡിപ്പിച്ചതായാണ് സൂചന. ഒന്നാം പ്രതിയായ അരുണ് രണ്ട് അടിപിടി കേസിലും കൊടകര സ്റ്റേഷനില് ഒരു കഞ്ചാവ് കേസിലും പ്രതിയാണ്. റൂറല് എസ്പി ജി. പൂങ്കുഴലി, ഇരിങ്ങാലക്കുട ഡിവൈഎസ്പി ടി.ആര്. രാജേഷ് എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.
