ധാക്കാ: മുസ്ലിം ഭൂരിപക്ഷമുള്ള രാജ്യമായ ബംഗ്ലാദേശില് ഹിന്ദു പെണ്കുട്ടികളെ ബലം പ്രയോഗത്തിലൂടെ ഇസ്ലാമിലേക്ക് മതപരിവര്ത്തനം നടത്തുന്ന സംഭവങ്ങള് വര്ധിച്ചുവരുന്നതായി പരാതി.
കഴിഞ്ഞ ദിവസം പ്രായപൂര്ത്തിയാകാത്ത ഹിന്ദു പെണ്കുട്ടിയെയാണ് തട്ടിക്കൊണ്ട് പോയശേഷം ഇസ്ലാമിലേക്ക് മതപരിവര്ത്തനം നടത്തിയത്. പടുഖാലി ജില്ലയിലെ ബൗഫാല് ഉപജില്ലയിലുള്ള ഹിന്ദു പെണ്കുട്ടിയായ അന്തര (നദി) റാണി ദാസിനെ ഇവിടുത്തെ ഒരു സംഘം മുസ്ലിങ്ങള് തട്ടിക്കൊണ്ടുപോയി ഇസ്ലാമിലേക്ക് ബലംപ്രയോഗിച്ച് മതപരിവര്ത്തനം ചെയ്യുകയായിരുന്നു.
അന്തര റാണി ദാസിന്റെ അച്ഛന് പൊലീസില് പരാതി നല്കിയിട്ടുണ്ട്. കച്ചിപാറ ഹൈസ്കൂളിലെ പത്താം ക്ലാസ് വിദ്യാര്ത്ഥിനിയായിരുന്നു 15 കാരിയായ അന്തര റാണി ദാസ്. ഫിബ്രവരി 13 മുതല് അന്തര റാണി ദാസിനെ കാണാനില്ലായിരുന്നു. കുടുംബാംഗങ്ങള് പലയിടത്തും അന്വേഷണം നടത്തിയെങ്കിലും കണ്ടെത്താനായില്ല. പിന്നീടാണ് അച്ഛന് രഞ്ജിത് ദാസ് പെണ്കുട്ടിയെ മകളെ ത്ട്ടിക്കൊണ്ടുപോയി നിര്ബന്ധപൂര്വ്വം മതപരിവര്ത്തനം നടത്തി എന്നറിയുന്നത്. അദ്ദേഹം ബൗഫല് പൊലീസ് സ്റ്റേഷനില് പരാതി നല്കി.
ബംഗ്ലാദേശില് ന്യൂനപക്ഷങ്ങളായ ഹിന്ദുക്കള്ക്ക് നേരെയുള്ള അതിക്രമം കൂടിവരികയാണ്. നിരന്തരമായി ഹിന്ദുക്ഷേത്രങ്ങള്ക്കെതിരെ ആക്രമണവും കൂടിവരുന്നു. ഈയടുത്തിടെ നടന്ന മറ്റൊരു സംഭവത്തില് 14 വയസ്സുകാരിയായ ഹിന്ദു പെണ്കുട്ടിയെ തട്ടിക്കൊണ്ട് പോയി നിര്ബന്ധപൂര്വ്വം ഇസ്ലാമിലേക്ക് മതപരിവര്ത്തനവും വിവാഹവും നടത്തിയ ശേഷം കൊലപ്പെടുത്തിയിരുന്നു. ഈ പെണ്കുട്ടിയുടെ ശരീരം അച്ഛന് വിട്ടുകൊടുത്തില്ലെന്ന് മാത്രമല്ല, പകരം പെണ്കുട്ടിയെ തട്ടിക്കൊണ്ട് പോയ മുസ്ലിം തന്നെ ഈ പെണ്കുട്ടിയെ ഇസ്ലാം മാതാചാരപ്രകാരം അടക്കണമെന്ന് വാശിപിടിക്കുകയായിരുന്നു. ബംഗ്ലാദേശില് മാത്രമല്ല, പാകിസ്ഥാനിലും പ്രായപൂര്ത്തിയാകാത്ത പെണ്കുട്ടികളെ ഇത്തരത്തില് തട്ടിക്കൊണ്ടുപോയി ഇസ്ലാമിലേക്ക് പരിവര്ത്തനം ചെയ്യുന്ന സംഭവങ്ങള് കൂടിവരുന്നു.
ഹിന്ദുക്കളുടെ ഭൂമി തട്ടിയെടുക്കല്, ക്ഷേത്രം തകര്ക്കല്, ലൈംഗിമായ ആവശ്യത്തിന് പെണ്കുട്ടികളെ വേട്ടയാടല് എന്നീ അതിക്രമങ്ങളിലൂടെ ന്യൂനപക്ഷമായ ഹിന്ദുക്കള്ക്കെതിരായ ആക്രമണം തുടരുകയാണ് ബംഗ്ലാദേശിലെ മുസ്ലിങ്ങള്.
