തിരുവനന്തപുരം: അധികാരം ഒഴിയും മുന്പ് മന്ത്രി ഇ.പി. ജയരാജന് വീണ്ടും ബന്ധുനിയമന വിവാദത്തില്. ഇ.പി.ജയരാജന്റെ ഭാര്യയുടെ ബന്ധു രാജേന്ദ്ര ബാബുവിന് സര്ക്കാര് അഭിഭാഷകനായി നിയമനം നല്കിയതാണ് പുതിയ വിവാദത്തിന് കാരണം. ഇന്നലെ തെരഞ്ഞെടുപ്പ് പ്രഖ്യാപിക്കുന്നതിന് തൊട്ടുമുമ്പാണ് നിയമന ഉത്തരവ് പുറത്തിറക്കിയത്. കണ്ണൂര് അഡീഷണല് സെഷന്സ് കോടതിയില് അഡീഷണല് ഗവണ്മെന്റ് ആന്ഡ് അഡീഷണല് പബ്ലിക് പ്രോസിക്യൂട്ടര് പദവിയിലേക്കാണ് നിയമനം.
രാജേന്ദ്രബാബുവിന് ക്രിമിനല് പ്രാക്ടീസ് ഇല്ലെന്നും ആരോപണം ഉയര്ന്നിട്ടുണ്ട്. രാജേന്ദ്രബാബു നിരവധി സര്ക്കാര്-നാഷണലൈസ്ഡ് സ്ഥാപനങ്ങളുടെ ലീഗല് അഡൈ്വസറാണ്. കിന്ഫ്ര,കെ.എസ്.എഫ്.ഇ. മലിനീകരണ നിയന്ത്രണ ബോര്ഡ് തുടങ്ങിയ സ്ഥാപനങ്ങളിലാണ് രാജേന്ദ്രബാബു ലീഗല് അഡൈ്വസറായി പ്രവര്ത്തിക്കുന്നത്. ഈ നിയമനങ്ങളിലും സംശയം ഉയരുന്നുണ്ട്.സിപിഎം അനുകൂല അഭിഭാഷക സംഘടന നിര്ദേശിച്ച രണ്ടുപേരെ ഒഴിവാക്കിയാണ് ഇദ്ദേഹത്തെ അഡീഷണല് ഗവണ്മെന്റ് പ്ലീഡറായി നിയമിച്ചത്. മന്ത്രി ഇ.പി.ജയരാജന്റെ ഭാര്യയുടെ അടുത്ത ബന്ധുവാണ് രാജേന്ദ്ര ബാബു. സിപിഎമ്മില് നിന്നു തന്നെ നിയമനത്തിനെതിരേ എതിര്പ്പ് ഉയര്ന്നിട്ടുണ്ട്.
