ഭോപാല്‍: ഗോഡ്‌സെയുടെ ആരാധകനും ഹിന്ദുമഹാസഭാ നേതാവ് ബാബുലാല്‍ ചൗരാസ്യയെ കോണ്‍ഗ്രസില്‍ ചേര്‍ത്ത കമല്‍നാഥിന്റെ നടപടിയെ വിമര്‍ശിച്ച് മധ്യപ്രദേശിലെ മുന്‍ കോണ്‍ഗ്രസ് അധ്യക്ഷന്‍.
ട്വിറ്ററില്‍ പങ്കുവെച്ച സന്ദേശത്തില്‍ ‘ബാപ്പൂ…ഞങ്ങള്‍ നാണിക്കുന്നു, ‘ എന്നായിരുന്നു മധ്യപ്രദേശിലെ മുന്‍ കോണ്‍ഗ്രസ് അധ്യക്ഷനായിരുന്ന അരുണ്‍ യാദവിന്റെ വിമര്‍ശനം.
കഴിഞ്ഞ ദിവസം ബാബുലാല്‍ ചൗരാസ്യയുടെ കോണ്‍ഗ്രസ് പ്രവേശം മധ്യപ്രദേശിലെ കോണ്‍ഗ്രസ് മുന്‍മുഖ്യമന്ത്രി കമല്‍നാഥിന്റെ നേതൃത്വത്തില്‍ വന്‍ ആഘോഷമാക്കി മാറ്റിയിരുന്നു. മധ്യപ്രദേശില്‍ വരാനിരിക്കുന്ന തദ്ദേശസ്വയം ഭരണ തെരഞ്ഞെടുപ്പില്‍ സീറ്റിന് വേണ്ടിയാണ് ബാബുലാല്‍ ചൗരാസ്യ കോണ്‍ഗ്രസില്‍ ചേര്‍ന്നതെന്ന് പറയുന്നു.
ജന്മനാ ബാബുലാല്‍ ചൗരാസ്യ കോണ്‍ഗ്രസ് പ്രവര്‍ത്തകനായിരുന്നു എന്നാണ് കമല്‍നാഥ് പ്രസംഗിച്ചത്. ഗോഡ്‌സെയുമായി ബന്ധപ്പെട്ട പരിപാടികളുടെ മുഖ്യസംഘാടകനാണ് ബാബൂലാല്‍ ചൗരാസ്യ.
പ്രതികരിക്കാൻ ഇവിടെ എഴുതുക: