കൊച്ചി: നടിയെ ഓടിക്കൊണ്ടിരിക്കുന്ന കാറില് ലൈംഗികാതിക്രമത്തിന് വിധേയമാക്കിയ കേസില് നടന് ദിലീപിന്റെ ജാമ്യം റദ്ദാക്കണമെന്ന ഹര്ജിയില് വിധി കോടതി മറ്റൊരു ദിവസത്തേക്ക് മാറ്റിവെച്ചു.
നേരത്തെ ഹര്ജി പരിഗണിച്ചിരുന്ന വിചാരണ കോടതി ഫിബ്രവരി 23 ചൊവ്വാഴ്ച വിധി പറയാന് വെച്ചിരുന്നു. എന്നാല് ചൊവ്വാഴ്ച കോടതി വിധി മറ്റൊരു ദിവസത്തേക്ക് വീണ്ടും മാറ്റി.
പുതിയ തിയ്യതി പ്രഖ്യാപിക്കാതെയാണ് ഹര്ജി മാറ്റിവെച്ചത്. ജാമ്യത്തിലിറങ്ങിയ നടന് ദിലീപ് കേസിലെ സാക്ഷികളെ സ്വാധീനിക്കുന്നു എന്നാണ് പ്രോസിക്യൂഷന് കോടതിയില് ഉന്നയിച്ച ആരോപണം. നടന് സിദ്ധിഖ്, നടി ഭാമ, ബിന്ദുപണിക്കര് എന്നിവരുള്പ്പെടെ ഒട്ടേറെപ്പേര് കേസില് കൂറുമാറിയിരുന്നു. കേസിലെ മാപ്പ് സാക്ഷി വിപിന് ലാലിനെ സ്വാധീനിക്കാന് ശ്രമിച്ചു എന്നതാണ് പ്രോസിക്യൂഷന്റെ മറ്റൊരു വാദം.
ഇയാളെ കാണാന് വന്ന നടന് ഗണേഷ് കുമാറിന്റെ സെക്രട്ടറി പ്രദീപിനെ കാസര്കോട് പോലീസ് അറസ്റ്റ് ചെയ്തിരുന്നു. പ്രദീപ് പിന്നീട് ജാമ്യത്തില് ഇറങ്ങി.
