കാസര്ഗോഡ്: കേരള ബിജെപിയുടെ നേതൃത്വത്തില് നടക്കുന്ന വിജയയാത്ര ഉദ്ഘാടനം ചെയ്യാനെത്തുന്ന യുപി മുഖ്യമന്ത്രി യോഗി ആദിത്യനാഥിനെ തടയുമെന്ന വെല്ലുവിളിയുമായി മുസ്ലീം തീവ്രവാദസംഘടനയായ പോപുലര് ഫ്രണ്ട്. ഭീകരാക്രമണത്തിന് പദ്ധതിയിട്ടെന്ന പേരില് തങ്ങളുടെ പ്രവര്ത്തകരെ യുപി സര്ക്കാര് അറസ്റ്റ് ചെയ്തു. എസ്ഡിപിഐയുടെ പൂട്ടിപോയ മുഖപത്രമായ തേജസിലെ റിപ്പോര്ട്ടര് സിദ്ധീഖ് കാപ്പന് ജയിലില് അടച്ചതിനുമാണ് യോഗിയെ തടയുന്നതെന്ന് പോപ്പുലര് ഫ്രണ്ട് പറയുന്നു.
അയോധ്യയില് രാമക്ഷേത്രം നിര്മ്മിക്കുന്ന യോഗി കേരളം സന്ദര്ശിക്കുന്നത് കേരളത്തെ വര്ഗീയമായി ധ്രുവീകരിക്കാനും ജനങ്ങളില് വിഭജനം തീര്ക്കാനുമാണ്. അതിനാല് യോഗി തടയാനായി കാസര്ഗേഡ് ടൗണില് പ്രതിഷേധം സംഘടിപ്പിക്കുമെന്നാണ് പോപ്പുലര് ഫ്രണ്ട് വെല്ലുവിളിച്ചിരിക്കുന്നത്. എന്നാല്, പോപ്പുലര് ഫ്രണ്ടിനെ പരിപാടി നടക്കുന്ന സ്ഥലത്തിന്റെ ഒരു ഭാഗത്തും അടുപ്പിക്കില്ലെന്ന് കേരളാ പോലീസ് അറിയിച്ചു. പ്രതിഷേധം സംഘടിപ്പിക്കുന്നവരെ ഉടന് കസ്റ്റഡിയില് എടുക്കുമെന്നും പോലീസ് അറിയിച്ചു.
