തിരുവനന്തപുരം: സെക്രട്ടറിയേറ്റ് പടിക്കലില് സമരം ചെയ്യുന്ന ഉദ്യോഗാര്ത്ഥികളുമായി ചര്ച്ച നടത്തേണ്ട സാഹചര്യമില്ലെന്ന് ധനമന്ത്രി തോമസ് ഐസക്. നിയമനത്തിനായി ഉദ്യോഗാര്ത്ഥികള് നടത്തി വരുന്ന സമരം 25 ദിവസം പിന്നിടുന്നു. ഒരു മാസത്തിനടുത്തായപ്പോഴാണ് മന്ത്രിയുടെ ഈ പ്രതികരണം.
സിപിഒ റാങ്ക് പട്ടികയുടെ കാലാവധി അവസാനിച്ചതാണ്. അത് പുനസ്ഥാപിക്കാന് കഴിയില്ല.അതിനാല് ഇനിയും ഉദ്യോഗാര്ത്ഥികളുമായി ചര്ച്ച നടത്തേണ്ടതില്ല. യുഡിഎഫ് 5000 ത്തില് അധികം താല്ക്കാലികക്കാരെ സ്ഥിരപ്പെടുത്തിയിട്ടുണ്ട്. എന്ത് അടിസ്ഥാനത്തിലാണ് കോണ്ഗ്രസ് അടക്കം സമരം ചെയ്യുന്നതെന്നും അദ്ദേഹം കൂട്ടിച്ചേര്ത്തു.
അതേസമയം തങ്ങളുടെ ആവശ്യങ്ങളില് തീരുമാനമാകും വരെ സമരം തുടരാനാണ് തീരുമാനമെന്ന് സമരം ചെയ്യുന്ന ഉദ്യോഗാര്ത്ഥികള് അറിയിച്ചു. പ്രശ്ന പരിഹാരത്തിന് മധ്യസ്ഥശ്രമങ്ങളും സജീവമാണ്.
