കൊച്ചി: ഇരട്ടക്കൊലപാതകം നടത്തി ഒളിവിൽ പോയ ആളെ വര്ഷങ്ങള്ക്ക് ശേഷം പിടികൂടി. വടക്കേക്കര നീണ്ടൂർ മേക്കാട്ട് വീട്ടിൽ ജോഷി (42)യെയാണ് അറസ്റ്റ് ചെയ്തത്. വടക്കേക്കര പോലീസാണ് ഇയാളെ പിടികൂടിയത്. 2014 ഏപ്രിൽ മാസം മൂന്നാം തീയതി തുരുത്തിപ്പുറം മടപ്ലാതുരുത്ത് ഭാഗത്ത് വൃദ്ധ ദമ്പതികളെ കൊലപ്പടുത്തി സ്വർണ്ണാഭരണങ്ങൾ മോഷ്ടിച്ച കേസിലാണ് അറസ്റ്റ്.
ഇപ്പോൾ മലപ്പുറം പുളിക്കല് ചെറുകാവ് ചെറുകുത്ത് വീട്ടിൽ താമസിക്കുകയായിരുന്നു ജോഷി. ലോഗ് പെന്റിംഗ് കേസിലെ പ്രതികളെക്കുറിച്ച് അന്വേഷണം നടത്തി നടപടിയെടുക്കാൻ ജില്ലാ പോലിസ് മേധാവി കെ.കാർത്തിക് ഉദ്യോഗ സ്ഥര്ക്ക് നിര്ദ്ദേശം നല്കിയിരുന്നു. ഇതിന്റെ ഭാഗമായി പ്രത്യേക അന്വേഷണ സംഘം രൂപികരിച്ച് അന്വേഷണം നടത്തി വരുന്നതിനിടെ ജില്ലാ പോലീസ് മേധാവിയ്ക്ക് കിട്ടിയ രഹസ്യ വിവരത്തിന്റെ അടിസ്ഥാനത്തിലാണ് പ്രതിയെ അറസ്റ്റ് ചെയ്തത്.
അന്വേഷണ സംഘത്തില് ആലുവ ഡി.വൈ.എസ്.പി റ്റി.എസ്. സിനോജ്, ഇൻസ്പെക്ടർ എം.കെ. രമേഷ്, എ.എസ്.ഐ നിജു കെ ഭാസ്കർ, എസ്.സി.പി.ഒ സെബാസ്റ്റ്യൻ എന്നിവരാണ് ഉണ്ടായിരുന്നത്.
