വഡോദര: ലൗ ജിഹാദിനെതിരെ നിയമം കൊണ്ടുവരാന് ഗുജറാത്തും. കര്ശന നടപടികള് ഉറപ്പാക്കുന്ന നിയമം കൊണ്ടുവരുമെന്ന് ഗുജറാത്ത് മുഖ്യമന്ത്രി വിജയ് രൂപാണി വ്യക്തമാക്കി. ഗുജറാത്ത് മുന്സിപ്പല് തെരഞ്ഞെടുപ്പിന് മുന്നോടിയായി വഡോദരയില് നടന്ന റാലിയില് സംസാരിക്കുകയായിരുന്നു അദ്ദേഹം.
ലൗ ജിഹാദിന്റെ പേരില് ഒരു പ്രവര്ത്തനവും സംസ്ഥാനത്ത് അനുവദിക്കില്ല. ഇതിനായി നിയമസഭയില് ബില് കൊണ്ടുവരും. പെണ്കുട്ടികളെ വഞ്ചിക്കാനുള്ള മതഭ്രാന്തന്മാരുടെ ശ്രമം അനുവദിക്കില്ലെന്നും അദ്ദേഹം പറഞ്ഞു. ലൗ ജിഹാദിനെതിരെ ഉത്തര്പ്രദേശ് സര്ക്കാര് നിയമം പാസാക്കിയിരുന്നു. മദ്ധ്യപ്രദേശിലും കര്ണാടകയിലും നിയമം നിര്മിക്കുമെന്ന് പ്രഖ്യാപിച്ചിരുന്നു. ഇതിന് പിന്നാലെയാണ് ഗുജറാത്തിലും ലൗ ജിഹാദിനെതിരെ നിയമം നടപ്പാക്കാനൊരുങ്ങുന്നത്.
