കോട്ടയം: വിശ്വാസ സംരക്ഷണത്തിന്റെ കാര്യത്തില്‍ വിശ്വാസികള്‍ക്കൊപ്പമാണ് എന്‍എസ്എസ് എന്നും അതിന്റെ പിന്നില്‍ ഒരു രാഷ്‌ട്രീയ ലക്ഷ്യവുമില്ലെന്നും എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍.
ശബരിമല വിഷയവും വിശ്വാസസംരക്ഷണവും സംബന്ധിച്ച് എന്‍എസ്എസ്സിന്റെ നിലപാടുകളില്‍ മാറ്റമില്ല. ഇതുസംബന്ധിച്ച് കഴിഞ്ഞ ദിവസത്തെ പ്രസ്താവനയില്‍ രാഷ്‌ട്രീയപ്പാര്‍ട്ടികളുടെ നിലപാടുകളെപ്പറ്റി പരാമര്‍ശിക്കാനിടയായി.
ഇക്കാര്യത്തില്‍ എന്‍എസ്എസ്സിന്റെ നിലപാടുകളെ ദുര്‍വ്യാഖ്യാനം ചെയ്ത് രാഷ്‌ട്രീയമായി തങ്ങള്‍ക്ക് അനുകൂലമാക്കാന്‍ പലരും ശ്രമിക്കുന്നതായി കാണുന്നു. എന്‍എസ്എസ്സിന്റെ നിലപാടുകളെ ഇത്തരത്തില്‍ ദുര്‍വ്യാഖ്യാനം ചെയ്യുന്നത് ഒരുതരത്തിലും അനുവദിക്കാനാവില്ലെന്നും അദ്ദേഹം പ്രസ്താവനയിലൂടെ അറിയിച്ചു.
പ്രതികരിക്കാൻ ഇവിടെ എഴുതുക: