കോട്ടയം: കാണക്കാരി ഗ്രാമപഞ്ചായത്തിലെ പാടശേഖരങ്ങളില് സുലഭമായി വെള്ളമെത്തിച്ച് തെന്നാട്ടുപടി തോട് വീണ്ടും കര്ഷകര്ക്ക് ആശ്വാസമേകും. മൂവാറ്റുപുഴയാറിന്റെ കൈവഴിയായ ഈ തോടിനെ ആശ്രയിച്ചാണ് കാണക്കാരി പടിഞ്ഞാറന് മേഖലയിലെ നെല്കൃഷിയുടെ നിലനില്പ്. വശങ്ങള് ഇടിഞ്ഞും മണ്ണും ജൈവാവശിഷ്ടങ്ങളും നിറഞ്ഞ് നീരൊഴുക് തടസപ്പെട്ടും കിടന്ന സ്ഥിതിയില്നിന്നാണ് ഹരിത കേരളം മിഷന് തോടിനെ പുനരുജ്ജീവിപ്പിക്കുന്നത്.
ജലസ്രോതസുകളുടെ വീണ്ടെടുപ്പ് ലക്ഷ്യമിടുന്ന ഇനി ഞാന് ഒഴുകട്ടെ കാമ്പയിന്റെ മൂന്നാം ഘട്ടത്തിന് തുടക്കംകുറിച്ചായിരുന്നു ശുചീകരണം. ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി കാമ്പയിന് ഉദ്ഘാടനം ചെയ്തു. കാണക്കാരി ഗ്രാമപഞ്ചായത്ത് പ്രസിഡന്റ് മിനു മനോജ് അദ്ധ്യക്ഷയായി.
ഹരിത കേരളം മിഷന് ജില്ലാ കോ-ഓര്ഡിനേറ്റര് പി. രമേശ്, ദാരിദ്ര ലഘൂകരണ വിഭാഗം അസിസ്റ്റന്റ് പ്രോജക്ട് ഓഫീസര് ജെ. പ്രമീള കുമാരി, മൈനര് ഇറിഗേഷന് എക്സിക്യൂട്ടീവ് എഞ്ചിനീയര് ആര്. സുശീല, മലിനീകരണ നിയന്ത്രണ ബോര്ഡ് എന്വയോണ്മെന്റല് അസിസ്റ്റന്റ് എഞ്ചിനീയര് എം.എ. സിമി ദാസ് തുടങ്ങിയവര് നേതൃത്വം നല്കി.
