റാഞ്ചി: ഉത്തരാഖണ്ഡ് ക്രിക്കറ്റ് ടീം ഹെഡ് കോച്ച് സ്ഥാനം രാജിവച്ച മുന്‍ ഇന്ത്യന്‍ ക്രിക്കറ്റ് താരം വസീം ജാഫറിനെതിരേ ഗുരുതര ആരോപണങ്ങള്‍. പദവി വഹിക്കുന്നതിനിടെ മുസ്ലീം ക്രിക്കറ്റ് താരങ്ങള്‍ക്ക് ജാഫര്‍ അമിത പ്രധാന്യം നല്‍കിയെന്നാണ് ആരോപണം. സെലക്ടര്‍മാരുടെ ഇടപെടലും പക്ഷപാതവും ആരോപിച്ചാണ് ജാഫര്‍ രാജി സമര്‍പ്പിച്ചത്.
ക്രിക്കറ്റ് അസോസിയേഷന്‍ ഓഫ് ഉത്തരാഖണ്ഡ് (സിഎയു) സെക്രട്ടറി മഹിം വര്‍മ്മ, ചീഫ് സെലക്ടര്‍ റിസ്വാന്‍ ഷംഷാദ് എന്നിവരുമായി ജാഫറിന് തര്‍ക്കമുണ്ടായിരുന്നുവെന്നാണ് റിപ്പോര്‍ട്ടുകള്‍. ഒരു സെഷനായി ഉത്തരാഖണ്ഡ് ഹെഡ് കോച്ചായി ജോലി ചെയ്യാന്‍ ജാഫര്‍ 45 ലക്ഷം രൂപയാണ് കൈപ്പറ്റിയത്. കളിക്കാരെ തിരഞ്ഞെടുക്കുന്നതില്‍ വര്‍മ്മ ഇടപെടുന്നുവെന്ന് ജാഫര്‍ ആരോപിച്ചിരുന്നു. എന്നാല്‍ ജാഫറിന്റെ ആരോപണങ്ങള്‍ മഹിം വര്‍മയും റിസ്വാന്‍ ഷംഷാദും നിഷേധിച്ചു.മതപരമായ കാരണം ചൂണ്ടിക്കാട്ടി ജാഫറിന് ടീം മുദ്രാവാക്യം ‘രാം ഭക്ത് ഹനുമാന്‍ കി ജയ്’ ‘ഗോ ഉത്തരാഖണ്ഡ്’ എന്ന് മാറ്റി
ക്രിക്കറ്റ് യൂണിയന്‍ ഉദ്യോഗസ്ഥരുമായി ജാഫര്‍ വഴക്കിടുകയും മതപരമായ പക്ഷപാതത്തെത്തുടര്‍ന്ന് ക്രിക്കറ്റ് ടീമിനെ തകര്‍ക്കാന്‍ ശ്രമിക്കുകയും ചെയ്തുവെന്ന് ബിസിസിഐ മുന്‍ വൈസ് പ്രസിഡന്റായ മഹിം വര്‍മ ആരോപിച്ചു. തുടക്കത്തില്‍ തങ്ങള്‍ ജാഫറിന് പൂര്‍ണ്ണ പിന്തുണ നല്‍കുകയും ആഭ്യന്തര ക്രിക്കറ്റില്‍ പരമാവധി റണ്‍സ് നേടിയെന്ന് കണക്കിലെടുത്ത് തീരുമാനങ്ങള്‍ സ്വീകരിക്കുകയും ചെയ്തുവെന്ന് വര്‍മ പറഞ്ഞു.
കളിക്കാരെ തെരഞ്ഞെടുക്കുന്നതുമായി ബന്ധപ്പെട്ട് ജാഫറിനെ ഒരിക്കലും സമ്മര്‍ദ്ദത്തിലാക്കിയിട്ടില്ലെന്നും വര്‍മ കൂട്ടിച്ചേര്‍ത്തു. ഇക്ബാല്‍ അബ്ദുല്ല, സമദ് സല്ല, ജയ് ബിസ്ത എന്നിവരെ അതിഥി കളിക്കാരായി ജാഫര്‍ കൊണ്ടുവന്നതായി അദ്ദേഹം പറഞ്ഞു. കുനാല്‍ ചന്ദേലയ്‌ക്ക് പകരം ജാഫര്‍ ഇക്ബാല്‍ അബുദുള്ളയെ ടീമിന്റെ ക്യാപ്റ്റനാക്കി. എന്നാല്‍ സയ്യിദ് മുഷ്താഖ് അലി ട്രോഫി ടി 20 ടൂര്‍ണമെന്റില്‍ 5 മത്സരങ്ങളില്‍ നിന്ന് നാല് മത്സരങ്ങളില്‍ ടീം പരാജയപ്പെട്ടെന്നു വര്‍മ പറഞ്ഞു.
പ്രതികരിക്കാൻ ഇവിടെ എഴുതുക: