കോട്ടയം: തപസ്യ കലാസാഹിത്യവേദി ജില്ലാ വാര്‍ഷികോത്സവം ഏഴിന് രാവിലെ 9.30ന് തിരുനക്കര സ്വാമിയാര്‍മഠം ഓഡിറ്റോറിയത്തില്‍ നടക്കും. വാദ്യകലാകാരന്‍ ഡോ. പ്രകാശന്‍ പഴമ്പാലക്കോട് ഉദ്ഘാടനം ചെയ്യും. ജില്ലാപ്രസിഡന്റ് തിരുവിഴ ജയശങ്കര്‍ അദ്ധ്യക്ഷനാകും. സംസ്ഥാന വര്‍ക്കിങ് പ്രസിഡണ്ട് പ്രൊഫ. പി.ജി. ഹരിദാസ് മുഖ്യപ്രഭാഷണം നടത്തും. അക്കിത്തം കവിതയും കാലവും എന്ന വിഷയത്തെക്കുറിച്ച് സംസ്ഥാന വൈസ്പ്രസിഡന്റ് ഡോ.ജെ. പ്രമീളാദേവി പ്രഭാഷണം നടത്തും. സംസ്ഥാന സെക്രട്ടറി ആര്‍ട്ടിസ്റ്റ് പി.ജി. ഗോപാലകൃഷ്ണന്‍ സമാപനപ്രസംഗം നടത്തും. ഗുരുരത്‌നപഞ്ചക കൃതി രചിച്ച ആലപ്പി രങ്കനാഥന്‍ മാസ്റ്ററെ ആദരിക്കും.
ആര്‍എല്‍വി കോളേജ് ബിഎ സംഗീതം ഒന്നാം റാങ്ക് നേടിയ ലക്ഷ്മി ശര്‍മ്മ, വയലിന്‍ ബിഎ രണ്ടാം റാങ്ക് ലഭിച്ച ജയദേവ് വിജയന്‍, ഐഎടിഎ ദേശീയതലത്തില്‍ ഒന്നാം റാങ്ക് നേടിയ അലീന സുരേഷ് എന്നിവരെ അനുമോദിക്കും. മേഖലാ വൈസ്പ്രസിഡന്റ് പി.എന്‍. ബാലകൃഷ്ണന്‍, മേഖലാ ജോയിന്റ് ജനറല്‍ സെക്രട്ടറി വി.ജി. ജയദേവ്, ജില്ലാവര്‍ക്കിങ് പ്രസിഡണ്ട് എന്‍. ശ്രീനിവാസന്‍, വൈസ് പ്രസിഡണ്ട് കുടമാളൂര്‍ രാധാകൃഷ്ണന്‍, ജില്ലാ ജനറല്‍ സെക്രട്ടറി രാജു ടി. പദ്മനാഭന്‍, സംഘടന സെക്രട്ടറി ബിബിരാജ് നന്ദിനി, സെക്രട്ടറി പി.കെ. ശ്രീധരന്‍ തുടങ്ങിയവര്‍ സംസാരിക്കും.
പ്രതികരിക്കാൻ ഇവിടെ എഴുതുക