പത്തനാപുരം: സംസ്ഥാന ഫാമിങ് കോര്‍പ്പറേഷനിലെ പിന്‍വാതില്‍ നിയമനത്തിനെതിരെ യുവമോര്‍ച്ച പ്രവര്‍ത്തകര്‍ പ്രതിഷേധ മാര്‍ച്ച് നടത്തി. അലിമുക്ക് ജംഗ്ഷനില്‍ നിന്ന് ആരംഭിച്ച മാര്‍ച്ച് ഹെഡ് ഓഫീസ് കവാടത്തിന് മുന്നില്‍ പോലീസ് തടഞ്ഞു. തുടര്‍ന്ന് കുത്തിയിരുന്ന് ഉപരോധിച്ച പ്രവര്‍ത്തകരെ പോലീസ് അറസ്റ്റ് ചെയ്തു നീക്കി.
ഡ്രൈവര്‍ ഗ്രേഡ് തസ്തികകളിലേക്ക് റാങ്ക് ലിസ്റ്റ് നിലനില്‍ക്കെ അഞ്ചോളം പേരെയാണ് അനധികൃതമായി ഫാമിങ് കോര്‍പ്പറേഷന്‍ മാനേജ്‌മെന്റ് നിയമിച്ചതെന്ന് പ്രതിഷേധ മാര്‍ച്ച് ഉദ്ഘാടനം ചെയ്ത ബിജെപി പത്തനാപുരം മണ്ഡലം പ്രസിഡന്റ് മഞ്ചള്ളൂര്‍ സതീഷ് പറഞ്ഞു.
യുവമോര്‍ച്ച നിയോജക മണ്ഡലം പ്രസിഡന്റ് ചേകം രഞ്ജിത്ത് അധ്യക്ഷത വഹിച്ചു.
പ്രതികരിക്കാൻ ഇവിടെ എഴുതുക: