കണ്ണുര്‍: വിദ്യാര്‍ത്ഥികളുടെ ഉത്തരക്കടലാസുകള്‍ പെരുവഴിയില്‍ ഉപേക്ഷിച്ച നിലയില്‍. കണ്ണൂര്‍ സര്‍വ്വകലാശാല ബികോം രണ്ടാം വര്‍ഷ വിദൂര വിദ്യാഭ്യാസ വിഭാഗത്തിന്റെ ഉത്തരക്കടലാസുകളാണ് റോഡരികില്‍ ഉപേക്ഷിച്ച നിലയില്‍ കണ്ടെത്തിയത്. മലപ്പട്ടം ചൂളിയാട്ട് നിന്നും ഇന്ന് രാവിലെയാണ് ഉത്തരക്കടലാസുകള്‍ കണ്ടെത്തിയത്.
ഡിസംബര്‍ 23ന് നടന്ന പരീക്ഷയുടേതാണ് കളഞ്ഞുകിട്ടിയ ഉത്തരക്കടലാസുകളെന്ന് കണ്ടെത്തിയിട്ടുണ്ട്. ഉത്തരക്കടലാസുകളുടെ മൂല്യ നിര്‍ണ്ണയം നടത്തിയിട്ടുണ്ട്. ഫലം പ്രസിദ്ധീകരിച്ചിട്ടില്ല. ഇതുസംബന്ധിച്ച് യുവജന സംഘടനകള്‍ പ്രതിഷേധ നടപടികള്‍ ആരംഭിച്ചിട്ടുണ്ട്. എന്നാല്‍ വിഷയത്തില്‍ പ്രതികരിക്കാന്‍ സര്‍വ്വകലശാല അധികൃതര്‍ തയ്യാറായിട്ടില്ല.
പ്രതികരിക്കാൻ ഇവിടെ എഴുതുക: