ആലപ്പുഴ: കഴിഞ്ഞ ദിവസം ഉദ്ഘാടനം ചെയ്ത ബൈപാസിലെ മാളികമുക്കിലെ അണ്ടര്പാസില് നേരിയ വിള്ളല്.
കഴിഞ്ഞ ദിവസം രാവിലെസംഭവം ശ്രദ്ധയില്പെട്ട നാട്ടുകാരാണ് അധികൃതരെ വിവരം അറിയിച്ചത്?. ബൈാസിന്റെ ഒന്നാംഘട്ടമായി 1990ല് നിര്മിച്ചതാണ് മാളികമുക്കിലെ അണ്ടര്പാസ്. പ്രാഥമിക പരിശോധനയില് ഈ ഭാഗത്തെ പെയിന്റിനാണ് വിള്ളല് സംഭവിച്ചിരിക്കുന്നതെന്ന് അധികൃതര് പറയുന്നു.
പ്രശ്നമുള്ള വിള്ളലല്ല രൂപപ്പെട്ടിരിക്കുന്നത്. ഉപയോഗിച്ചിരിക്കുന്ന കട്ടിയുള്ള പെയിന്റ് ഇളകിയതാണ്. വിള്ളലായി രൂപപ്പെട്ടതെന്നാണ് ദേശീയപാത അധികൃതരുടെ വാദം.
ബൈപാസിനെ ഒരുതരത്തിലും ബാധിക്കുന്ന വിള്ളലല്ല അണ്ടര്പാസില് രൂപപ്പെട്ടതെന്നാണ് ഉദ്യോഗസ്ഥര് പറയുന്നത്. എന്നാല് ഇത്രയും നാള് ഇല്ലാതിരുന്ന വിള്ളല് വാഹനങ്ങള് ബൈപ്പാസില് ഓടിത്തുടങ്ങിയ ശേഷം രൂപം കൊണ്ടതാണ് ആശങ്കയ്ക്കിടയാക്കുന്നത്. മാത്രമല്ല പാലാരിവട്ടം പാലത്തിന്റെ ദുരനുഭവവും മുന്നിലുണ്ട്. അടിയന്തരമായി വിദഗ്ദ്ധ സമിതി ഈ ഭാഗത്ത് പരിശോധന നടത്തണമെന്ന് ആവശ്യം ഉയരുന്നു.
