പത്തനാപുരം: തിരുവോണത്തിന് തലേദിവസം പ്രവാസിയായ യുവാവിനെ കുത്തിക്കൊലപ്പെടുത്തിയ കേസിലെ പ്രതിക്ക് ജീവപര്യന്തം തടവും പിഴയും.
തലവൂര്‍ കമുകുംചേരി തേക്കിന്‍കാട്ടില്‍ മംഗലശ്ശേരി പുത്തന്‍വീട്ടില്‍ ഉണ്ണിയെന്ന അരുണ്‍കുമാറി(30)നെ കൊലപ്പെടുത്തിയ കേസിലെ പ്രതി അയല്‍വാസിയായ തേക്കിന്‍ക്കാട് തൊഴുവന്‍കോട് വീട്ടില്‍ അഭിലാഷിനെയാണ് കൊല്ലം ജില്ലാ സെഷന്‍സ് കോടതി ജഡ്ജി അജികുമാര്‍ ജീവപര്യന്തം ശിക്ഷിച്ചത്.
2012 ഓഗസ്റ്റിലായിരുന്നു കേസിന് ആസ്പദമായ സംഭവം. ഉത്രാട ദിവസം രാത്രി അയല്‍ക്കാരുമായി സംസാരിച്ചു നില്‍ക്കുകയായിരുന്ന അരുണിനെ റബര്‍ ടാപ്പ് ചെയ്യാന്‍ ഉപയോഗിക്കുന്ന കത്തി ഉപയോഗിച്ച് അഭിലാഷ് കുത്തിക്കൊലപ്പെടുത്തിയെന്നായിരുന്നു കേസ്. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടര്‍ സി.കെ.സൈജു, അഭിഭാഷകരായ സോന.പി. രാജ്, മോനുദാസ് എന്നിവര്‍ ഹാജരായി.
പ്രതികരിക്കാൻ ഇവിടെ എഴുതുക: