കൊല്ലം: കര്‍ഷകമോര്‍ച്ച ജില്ലാ കമ്മിറ്റിയുടെ ആഭിമുഖ്യത്തില്‍ നടക്കുന്ന കിസാന്‍ സന്ദേശയാത്രയ്ക്ക് ജില്ലയുടെ വിവിധ ഭാഗങ്ങളില്‍ ആവേശ്വജ്വല വരവേല്‍പ്പ്.
യാത്ര രണ്ടാം ദിവസമായ ഇന്നലെ രാവിലെ കുണ്ടറ നിയോജക മണ്ഡലത്തിലെ പെരിനാട് നിന്നും ആരംഭിച്ചു. കരിക്കോട് ജംഗ്ഷന്‍, മുഖത്തല, പെരുമ്പുഴ, മുക്കട എന്നിവിടങ്ങളില്‍ ഹൃദ്യമായ സ്വീകരണമാണ് ലഭിച്ചത്. ദേശീയ കൗണ്‍സില്‍ അംഗം എം.എസ്. ശ്യാംകുമാര്‍, ബിജെപി ജില്ലാ ജനറല്‍ സെക്രട്ടറി വെള്ളിമണ്‍ ദിലീപ്, കുണ്ടറ മണ്ഡലം പ്രസിഡന്റ് ഇടവട്ടം വിനോദ്, ജനറല്‍ സെക്രട്ടറി പെരുമ്പുഴ അനില്‍കുമാര്‍, നെടുമ്പന ശിവന്‍ എന്നിവര്‍ വിവിധ യോഗങ്ങളില്‍ സംസാരിച്ചു.
തുടര്‍ന്ന് കൊട്ടാരക്കര നിയോജകമണ്ഡലത്തിലെ എഴുകോണില്‍ നിന്നും തുടങ്ങിയ യാത്ര കരീപ്ര, വെളിയം, കൊട്ടാരക്കര ചന്തമുക്ക്, ഉമ്മന്നൂര്‍, പൂവറ്റൂര്‍ എന്നിവിടങ്ങളില്‍ പര്യടനം നടത്തി.
പത്തനാപുരം മണ്ഡലത്തിലെ പത്തനാപുരം, പട്ടാഴി, രണ്ടാലുംമൂട്, ചെങ്ങമ്മനാട് തുടങ്ങി വിവിധ സ്ഥലങ്ങളിലും സ്വീകരണം ലഭിച്ചു. മണ്ഡലം പ്രസിഡന്റ് സതീഷ് മഞ്ചള്ളൂര്‍, മുരളി യദുകുലം എന്നിവര്‍ നേതൃത്വം നല്കി. ജാഥാ ക്യാപ്ടന്‍ ആയൂര്‍ മുരളി സ്വീകരണത്തിന് നന്ദി പറഞ്ഞു. കര്‍ഷക മോര്‍ച്ച നേതാക്കളായ മയ്യനാട് അജയന്‍, തെക്കടം ഹരീഷ്, സുരേഷ് മുളവന, പൂന്തോട്ടം സത്യന്‍ എന്നിവര്‍ നേതൃത്വം നല്കി.
പ്രതികരിക്കാൻ ഇവിടെ എഴുതുക: