ന്യൂദല്‍ഹി: കര്‍ഷകസമരത്തിന്റെ പേരില്‍ നടന്ന കലാപത്തെ അപലപിച്ച് ആം ആദ്മി പാര്‍ട്ടി. കര്‍ഷകര്‍ ദല്‍ഹി പൊലീസുമായുണ്ടാക്കിയ റൂട്ട് മാപ്പില്‍ നിന്നും വ്യതിചലിച്ചാണ് ട്രാക്ടര്‍ റാലി നടത്തിയതെന്നും ആപ് നേതാവ് രാഘവ് ഛദ പറഞ്ഞു.
‘ഒരു സംഘം കര്‍ഷകര്‍ ദല്‍ഹി പൊലീസുമായും അര്‍ധസൈനികരുമായും ഏറ്റുമുട്ടി. ഈ അക്രമത്തെ ഞങ്ങള്‍ അങ്ങേയറ്റം വിമര്‍ശിക്കുന്നു,’ ആംആദ്മി വക്താവ് കൂടിയായ രാഘവ് ഛദ ട്വിറ്റര്‍ കുറിപ്പില്‍ പറഞ്ഞു.ഈ അക്രമത്തോടെ കര്‍ഷകരുടെ സമരം ദുര്‍ബലപ്പെട്ടെന്നും അദ്ദേഹം അഭിപ്രായപ്പെട്ടു.
‘കഴിഞ്ഞ രണ്ട് മാസമായി സമാധാനം നിറഞ്ഞതായിരുന്നു കര്‍ഷകരുടെ സമരം. ഇന്നത്തെ അക്രമങ്ങളില്‍ പങ്കെടുത്തവര്‍ ഈ കര്‍ഷകസമരത്തിന്റെ ഭാഗമല്ലെന്നും അവര്‍ ബാഹ്യശക്തികളാണെന്നും കര്‍ഷക നേതാക്കള്‍ പറഞ്ഞു,’ രാഘവ് ഛദ ട്വീറ്റില്‍ വിശദമാക്കുന്നു.
പ്രതികരിക്കാൻ ഇവിടെ എഴുതുക: