തിരുവനന്തപുരം: വിതുരയ്‌ക്ക് അടുത്ത് കല്ലാറിൽ കാട്ടാനയെ ചെരിഞ്ഞ നിലയിൽ കണ്ടെത്തി. വനാതിർത്തിയോട് ചേർന്നുള്ള റബ്ബർ തോട്ടത്തിലാണ് സംഭവം. ഇന്ന് രാവിലെ റബ്ബർ വെട്ടാനെത്തിയ തൊഴിലാളികളാണ് ആനയെ ആദ്യം കാണുന്നത്. വിഷം ഉള്ളിൽ ചെന്നാണ് ആന ചെരിഞ്ഞതെന്നാണ് സംശയം.
പത്ത് വയസോളം പ്രായം തോന്നിക്കുന്ന പിടിയാനയാണ് ചെരിഞ്ഞത്. ആനയുടെ പുരത്ത് പരിക്കേറ്റ പാടുകളൊന്നും ഇല്ല. പോസ്റ്റുമോർട്ടത്തിന് ശേഷമേ കൃത്യമായ വിവരം ലഭിക്കൂ. ആന ചെരിഞ്ഞ വിവരം അറിയാതെ കുട്ടിയാന അടുത്ത് തന്നെ നിൽപ്പുണ്ട്. കോട്ടൂരിലെ ആന പരിപാലന കേന്ദ്രത്തിലേക്ക് കുട്ടിയാനയെ മാറ്റാനുള്ള ശ്രമം നടക്കുന്നുണ്ട്. അമ്മയെ വിട്ടുപോകാൻ കുട്ടിയാന തയാറാകാത്തത് വനംവകുപ്പിന് വെല്ലുവിളിയായിട്ടുണ്ട്.
കുട്ടിയാനയെ കൂടാതെ വേറെ ആനകളുടെ സാന്നിധ്യമൊന്നും പ്രദേശത്ത് കണ്ടെത്തിയില്ല.
പ്രതികരിക്കാൻ ഇവിടെ എഴുതുക: