കൊച്ചി : നടിയെ ആക്രമിച്ച കേസിലെ മാപ്പ് സാക്ഷിയായ വിപിന്‍ ലാലിനെ കസ്റ്റഡിയില്‍ എടുക്കാന്‍ ആവശ്യപ്പെട്ട് വിചാരണക്കോടതി. മാപ്പ് സാക്ഷിയെ വിചാരണ കഴിയുന്നതിന് മുമ്പ് ജയിലില്‍ നിന്നും വിട്ടയയ്‌ക്കരുതെന്ന് നിയമമുണ്ട്. എന്നിട്ടും വിപിന്‍ ലാല്‍ പുറത്തുപോയതിനെ തുടര്‍ന്നാണ് കോടതിയുടെ ഈ ഉത്തരവ്.
വിപിന്‍ ലാല്‍ ജയിലില്‍ നിന്നും പുറത്തുപോയത് സംബന്ധിച്ച് കോടതി കഴിഞ്ഞ ദിവസം വാദം കേട്ടിരുന്നു. ഇയാളെ നാളെ കോടതിയില്‍ ഹാജരാക്കാനാണ് കോടതി നിര്‍ദ്ദേശം നല്‍കിയിരിക്കുന്നത്. ഇതോടൊപ്പം വിപിന്‍ലാലിനെ വിട്ടയച്ചതിന്റെ രേഖകള്‍ ഹാജരാക്കാന്‍ ജയില്‍ സൂപ്രണ്ടിനോടും ആവശ്യപ്പെട്ടിട്ടുണ്ട്.
വിയ്യൂര്‍ ജയിലില്‍ കഴിഞ്ഞിരുന്ന വിപിന്‍ ലാല്‍ പുറത്തിറങ്ങിയത് പ്രതിഭാഗമാണ് കോടതിയുടെ ശ്രദ്ധയില്‍ പെടുത്തിയത്. തുടര്‍ന്ന് വിയ്യൂര്‍ ജയില്‍ സൂപ്രണ്ടിനെ വിളിച്ചു വരുത്തി വിശദീകരണം തേടിയിരുന്നു. അന്വേഷണ ഉദ്യോഗസ്ഥനും തങ്ങളുടെ ഭാഗം വിശദീകരിച്ച് കോടതിക്ക് റിപ്പോര്‍ട്ട് നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: