തൃശൂര്‍: ജില്ലയില്‍ ഇത് വരെ 2008 ആരോഗ്യ പ്രവര്‍ത്തകര്‍ കൊവിഡ് വാക്‌സിന്‍ സ്വീകരിച്ചു. കോവിന്‍ ആപ്ലിക്കേഷന്‍ പട്ടികയില്‍ പേര് വന്ന 897 പേരില്‍ 759 പേരാണ് തിങ്കളാഴ്ച വാക്‌സിന്‍ സ്വീകരിച്ചത്. നാളെ മുതല്‍ ചാലക്കുടി താലൂക്ക് ആശുപത്രി, ഇരിങ്ങാലക്കുട ജനറല്‍ ആശുപത്രി എന്നീ വാക്‌സിന്‍ കേന്ദ്രങ്ങള്‍ക്ക് പകരം ദയ ആശുപത്രി, തൃശൂര്‍, വടക്കാഞ്ചേരി ജില്ലാ ആശുപത്രി എന്നിവ പുതിയ കേന്ദ്രങ്ങളായി മാറും.
കൊവിഡ് ബാധിതര്‍ 540
ജില്ലയില്‍ 540 പേര്‍ക്ക് കൂടി കൊവിഡ്-19 സ്ഥീരികരിച്ചു. 512 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 329 പേര് രോഗമുക്തരായി. ജില്ലയില്‍ രോഗബാധിതരായി ചികിത്സയില്‍ കഴിയുന്നത് 4811 പേരാണ്. ഇതുവരെ 82,226 പേര്‍ക്കാണ് കൊവിഡ് സ്ഥീരികരിച്ചത്. 76,857 പേരെ രോഗമുക്തരായി ഡിസ്ചാര്‍ജ്ജ് ചെയ്തു.
പ്രതികരിക്കാൻ ഇവിടെ എഴുതുക: