കുട്ടനാടിന്റെ പരിസ്ഥിതി രാഷ്ട്രീയം പറയുന്ന ചിത്രമാണ് കാക്കപ്പോള. കൊച്ചിയുടെ താരങ്ങള്‍ എന്ന ചിത്രത്തിനു ശേഷം എന്‍.എന്‍.ബൈജു രചന, സംവിധാനം നിര്‍വ്വഹിക്കുന്ന ഈ ചിത്രത്തിന്റെ ചിത്രീകരണം, കുട്ടനാട്, ചിത്രാഞ്ജലി സ്റ്റുഡിയോ എന്നിവിടങ്ങളിലായി ഉടന്‍ ആരംഭിക്കും. ശ്രീവീനസ് ഫിലിംസിന്റെ ബാനറില്‍ സതീഷ് ടി.ആര്‍, ടി.വേണുകുമാര്‍ എന്നിവര്‍ നിര്‍മ്മിക്കുന്ന ചിത്രമാണിത്. തിരക്കഥ – പ്രദീപ് ശിവശങ്കരന്‍, ഡിഒപി-ബിനു ജോര്‍ജ്, ഗാനരചന -ഡി.ബി. അജിത്ത്, അജേഷ് ചന്ദ്രന്‍, സംഗീതം-ജോസി ആലപ്പുഴ, ആലാപനം – എം.ജി.ശ്രീകുമാര്‍, ടോം സെബാസ്റ്റ്യന്‍, സുബാഷ് ചന്ദ്രന്‍, അസോസിയേറ്റ് ഡയറക്ടര്‍-ശാലിനി എസ്.ജോര്‍ജ്, കല-രാജേഷ് ചിറപ്പാട്, പ്രൊഡക്ഷന്‍ എക്‌സിക്യൂട്ടീവ് -ക്ലെമന്റ് കുട്ടന്‍, സ്റ്റില്‍ – സുഭാഷ് മിഴി.
തേക്ക് പാട്ടിന്റെയും ഞാറ്റു പാട്ടിന്റെയും കൊയ്‌ത്തുപാട്ടിന്റെയും ജീവതാളം നെഞ്ചോട് ചേര്‍ത്ത് കായലോരത്ത് താമസിച്ചിരുന്ന ഒരു ജനത നമുക്കുണ്ടായിരുന്നു. ഇവരുടെ പുതിയ തലമുറ, ഹോംസ്റ്റേ കള്‍ അണിയിച്ചൊരുക്കി, കായലിന് അതിരിട്ട് വിദേശ ടൂറിസത്തിന് വാതില്‍ തുറന്നു കൊടുത്തപ്പോള്‍ തീരദേശത്തെ ആശ്രയിച്ച കര്‍ഷക തൊഴിലാളികള്‍ക്ക് തീരങ്ങള്‍ നഷ്ടപ്പെട്ടു. ഇതിനിടയില്‍ ഗ്രാമത്തിലെ ഒരു സ്‌കൂളും കുട്ടികളും അദ്ധ്യാപകരും അതിജീവനത്തിന്റെ കണ്ടല്‍ചെടികളുമായി തീരങ്ങള്‍ സംരക്ഷിക്കാന്‍ എത്തുന്നു. കുട്ടനാടിന്റെ ഈ മാറിയ മുഖം അവതരിപ്പിക്കുകയാണ് കാക്കപ്പോള എന്ന ചിത്രം.
പ്രതികരിക്കാൻ ഇവിടെ എഴുതുക: