ഹണിബീയിലൂടെ സിനിമയിലേക്ക് എത്തിയ അമിത് ചക്കാലക്കല് നായകനാകുന്ന ‘യുവം’ ഫെബ്രുവരിയില് പ്രദര്ശനത്തിനെത്തും. സിനിമയില് ഗോപി സുന്ദര് സംഗീതം നല്കി ചിട്ടപ്പെടുത്തിയ ‘സുഹൃദം’ എന്ന ഗാനം മഞ്ജു വാര്യര് റീലീസ് ചെയ്തു.
ഉത്സാഹികളായ എബി, വിനു, പോള് എന്നീ മൂന്നു യുവ അഭിഭാഷക കഥാപാത്രങ്ങളെ കേന്ദ്രീകരിച്ചുള്ള നര്മ്മത്തിന്റെ അകമ്പടിയില് രസകരമായ ഒരു പൊളിറ്റിക്കല് ത്രില്ലര് പ്രമേയമാണ് ‘യുവ’ യുടേത്. സിനിമയില് എബി എന്ന നായക കഥാപാത്രത്തെയാണ് അമിത് ചക്കാലക്കല് അവതരിപ്പിക്കുന്നത്.
പുതുമുഖ സംവിധായകന് പിങ്കു പീറ്റര് അണിയിച്ചൊരുക്കുന്ന യുവത്തിലെ നായിയ സീരിയലില് നിന്ന് സിനിമയിലേക്ക് എത്തിയ ഡയാന എസ് ഹമീദാണ്. ഇന്ദ്രന്സ്, നെടുമുടിവേണു, സായ് കുമാര്, നിര്മ്മല് പാലാഴി, കലാഭവന് ഷാജോണ്, അഭിഷേക് രവീന്ദ്രന് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
