കണ്ണൂര്: പാലായില് മാണി സി. കാപ്പന് മത്സരിച്ചാല് പിന്തുണ നല്കുമെന്നും എന്നാല് ഇതില് നിലപാട് വ്യക്തമാക്കേണ്ടത് മാണി സി. കാപ്പനാണെന്നും കേരളാ കോണ്ഗ്രസ് ചെയര്മാന് പി.ജെ. ജോസഫ്. കണ്ണൂരില് മാധ്യമങ്ങളോട് സംസാക്കുകയായിരുന്നു അദ്ദേഹം.പി.സി. ജോര്ജ്ജ് പൂഞ്ഞാറില് സ്വതന്ത്രനായി യുഡിഎഫ് പിന്തുണയില് മത്സരിക്കുന്നതാണ് ഉചിതം. പി.സി. തോമസ് ഉള്പ്പെടെയുള്ളവരുടെ ലയന കാര്യത്തില് ചര്ച്ച ചെയ്ത് തീരുമാനമെടുക്കും.
യുഡിഎഫിനെ ഉമ്മന് ചാണ്ടിയും രമേശ് ചെന്നിത്തലയും ചേര്ന്ന് നയിക്കണമെന്നാണ് കേരള കോണ്ഗ്രസ്സിന്റെ അഭിപ്രായം. ജോസ് കെ. മാണി മുന്നണി വിട്ടത് തിരിച്ചടിയായെന്ന കോണ്ഗ്രസ് നേതാക്കളുടെ പ്രതികരണം വസ്തുതകള് പഠിക്കാതെയാണ്. നിയമസഭാ തെരഞ്ഞെടുപ്പില് ലീഗ് അനാവശ്യമായി കൂടുതല് സീറ്റ് വേണമെന്ന ആവശ്യം ഉന്നയിക്കുമെന്ന് തോന്നുന്നില്ലെന്നും തന്റെ മകന് ഇത്തവണ നിയമസഭാ തെരഞ്ഞെടുപ്പില് മത്സരരംഗത്തുണ്ടാവില്ലെന്നും പി.ജെ. ജോസഫ് പറഞ്ഞു.
ജന്മഭൂമി ഓണ്ലൈന്