പാലക്കാട് : പാലക്കാട് നഗരസഭയിലെ ഗാന്ധിപ്രതിമയില് ബിജെപി പതാക കെട്ടിയതിന് പിന്നില് രാഷ്ട്രീയ ഗൂഢാലോചനയെന്ന് യുവമോര്ച്ച. അതിക്രമിച്ച് കയറി ഗാന്ധി പ്രതിമയില് പതാക കെട്ടിയതില് അറസ്റ്റിലയ സഖാവിനെ മാനസിക രോഗിയായി ചിത്രീകരിക്കുകയാണ്. ആര്ക്ക് വേണ്ടിയാണ് ഇതെന്നും യുവമോര്ച്ച ചോദിച്ചു.
യുവമോര്ച്ച പാലക്കാട് ജില്ലാ അധ്യക്ഷന് പ്രശാന്ത് ശിവന് ഫേസ്ബുക്ക് പോസ്റ്റിലൂടെയാണ് ഇക്കാര്യം അറിയിച്ചത്. സംഭവത്തില് രാഷ്ട്രീയ ഗൂഢാലോചന നടത്തിയ പ്രതികളെ അറസ്റ്റ് ചെയ്യാത്തത് എന്തുകൊണ്ടാണെന്നും പ്രശാന്ത് ശിവന് ചോദിച്ചു.
സംഭവത്തില് ഗൂഢാലോചന നടത്തിയ പ്രതികളെ അറസറ്റ് ചെയ്യണമന്നാവശ്യപ്പെട്ട് യുവമോര്ച്ച പാലക്കാട് ജില്ലാ കമ്മിറ്റി വ്യാഴാഴ്ച രാവിലെ ഡിവൈഎസ്പി ഓഫീസിലേക്ക് മാര്ച്ചും നടത്തിയിരുന്നു. രാഷ്ട്രീയ ഗൂഢാലോചനയാണ് സംഭവത്തിന് പിന്നില്. പോലീസ് അടിയന്തിര നടപടി സ്വീകരിക്കണമെന്നും ആവശ്യപ്പെട്ടായിരുന്നു യുവമോര്ച്ച മാര്ച്ച്.
