നാല് വിക്കറ്റും സൂപ്പര്‍ ത്രോയും; ജഡേജയാണ് താരം

സിഡ്‌നി: ഓസീസ് മുന്‍ നായകന്‍ സ്റ്റീവ് സ്്മിത്ത് സെഞ്ചുറി കുറിച്ച സിഡ്‌നി ടെസ്റ്റിന്റെ രണ്ടാം ദിനത്തില്‍ താരമായത് ഇന്ത്യന്‍ ഓള്‍ റൗണ്ടര്‍ രവീന്ദ്ര ജഡേജയും ഓപ്പണര്‍ ശുഭ്മാന്‍ ഗില്ലും. ജഡേജയുടെ തിരിയുന്ന പന്തുകളില്‍ ഓസ്‌ട്രേലിയയെ 338 റണ്‍സിന് പുറത്താക്കിയ ഇന്ത്യ രണ്ടാം ദിനം കളി നിര്‍ത്തുമ്പോള്‍ രണ്ട് വിക്കറ്റ് നഷ്ടത്തില്‍ 96 റണ്‍സ് എടുത്തു. ക്യാപ്റ്റന്‍ അജിങ്ക്യ രഹാനെയും (5) ചേതേശ്വര്‍ പൂജാരയുമാണ് (9) ക്രീസില്‍.

വമ്പന്‍ സ്‌കോറിലേക്ക് നീങ്ങിയ ഓസീസിനെ ജഡേജയാണ് തകര്‍ത്തത്. പതിനെട്ട്് ഓവറില്‍ 62 റണ്‍സിന് നാലു വിക്കറ്റ് പോക്കറ്റിലാക്കി. സെഞ്ചുറി കുറിച്ച സ്മിത്തിനെ ഡയറക്ട് ത്രോയില്‍ റണ്‍ ഔട്ടാക്കി ഓസീസിന്റെ ഇന്നിങ്‌സ് അവസാനിപ്പിച്ചതും ജഡേജയാണ്. സ്മിത്ത്് 131 റണ്‍സ് നേടി. 27-ാം ടെസ്റ്റ് സെഞ്ചുറിയാണിത്. ഇതോടെ ടെസ്റ്റ് സെഞ്ചുറികളില്‍ വിരരാട് കോഹ്്‌ലിക്കെപ്പം എത്തി.  

ഒന്നാം ഇന്നിങ്‌സ് തുടങ്ങിയ ഇന്ത്യക്ക്് ഓപ്പണര്‍മാരായ രോഹിത് ശര്‍മയും ശുഭ്മാന്‍ ഗില്ലും ഭേദപ്പെട്ട തുടക്കം സമ്മാനിച്ചു. ആദ്യ വിക്കറ്റില്‍ ഇവര്‍ 70 റണ്‍സ് കൂട്ടിച്ചേര്‍ത്തു. ഹെയ്‌സല്‍വുഡിന് റിട്ടേണ്‍ ക്യാച്ച് നല്‍കി ശര്‍മ (26) പുറത്തായി. തുടര്‍ന്നെത്തിയ പൂജാരയെ കൂട്ടുപിടിച്ച്് ഗില്‍ സ്‌കോര്‍ ഉയര്‍ത്തി. അര്‍ധ സെഞ്ചുറി കുറിച്ചയുടെനെ ഗില്ലും പുറത്തായി. കമ്മിന്‍സിന്റെ പന്തില്‍ ഗ്രീനിന് പിടികൊടുത്തു. 101 പന്ത് നേരിട്ട ഗില്‍ എട്ട് ബൗണ്ടറികളുടെ പിന്‍ബലത്തില്‍ 50 റണ്‍സ് കുറിച്ചു. ഇരുപത്തിയൊന്നുകാരനായ ഗില്ലിന്റെ ആദ്യ അര്‍ധ ശതമകമാണിത്. ഇതോടെ ഏഷ്യക്ക് പുറത്ത്് അര്‍ധ ശതകം നേടുന്ന  പ്രായം കുറഞ്ഞ നാലാമത്തെ ഇന്ത്യന്‍ താരമെന്ന നേട്ടം ഗില്ലിന് സ്വന്തമായി.

രണ്ടിന് 166 റണ്‍സെന്ന സ്‌കോറിനാണ് ഓസ്‌ട്രേലിയ ഇന്നലെ ഒന്നാം ഇന്നിങ്‌സ് പുനരാരംഭിച്ചത്. ആദ്യ ദിനത്തില്‍ 67 റണ്‍സുമായി പുറത്താകാതെ നിന്ന ലാബുഷെയ്‌നാണ് ഇന്നലെ ആദ്യം പുറത്തായത്. 91 റണ്‍സ് എടുത്ത ലാബുഷെയ്‌നെ ജഡേജയുടെ പന്തില്‍ രഹാനെ പിടികൂടി. മൂന്നാം വിക്കറ്റില്‍ സ്റ്റീവ് സ്മിത്തിനൊപ്പം ലാബുഷെയ്ന്‍ 100 റണ്‍സ് കൂട്ടിച്ചേര്‍ത്തു. ലാബുഷെയ്ന്‍ പുറത്തായതോടെ ഓരോ ഇടവേകളിലും ഓസീസിന്റ വിക്കറ്റുകള്‍ വീണു. മാത്യു വേഡ് (13), കാമറൂണ്‍ ഗ്രീന്‍ (0), ക്യാപ്റ്റന്‍ ടിം പെയ്ന്‍ (1), പാറ്റ് കമ്മിന്‍സ്് (0), ലിയോന്‍ (0) എന്നിവര്‍ അനായാസം കീഴടങ്ങി.  

ഇന്ത്യന്‍ പേസര്‍മാരായ ജസ്പ്രീത് ബുംറയും നവ്ദീപ്  സെയ്‌നിയും രണ്ട് വിക്കറ്റ് വീതം വീഴ്‌ത്തി.  മുഹമ്മദ് സിറാജിന് ഒരു വിക്കറ്റ് ലഭിച്ചു.  

സ്‌കോര്‍ബോര്‍ഡ്

ഓസ്‌ട്രേലിയ: ഒന്നാം ഇന്നിങ്‌സ്: വില്‍ പുകോവ്‌സ്‌കി എല്‍ബിഡബ്ല്യു ബി സെയ്‌നി 62, ഡേവിഡ് വാര്‍ണര്‍ സി പൂജാര ബി മുഹമ്മദ് സിറാജ് 5, മാര്‍നസ് ലാബുഷെയ്ന്‍ സി രഹാനെ ബി ജഡേജ 91, സ്റ്റീവ് സ്മിത്ത് റണ്‍ഔട്ട് 131, മാത്യു വേഡ് സി ബുംറ ബി ജഡേജ 13, കാമറൂണ്‍ ഗ്രീന്‍ എല്‍ബിഡബ്ല്യു ബി ബുംറ 0, ടിം പെയ്ന്‍ ബി ബുംറ 1, പാറ്റ് കമ്മിന്‍സ് ബി ജഡേജ 0, മിച്ചല്‍ സ്റ്റാര്‍ക്ക് സി ശുഭ്മാന്‍ ഗില്‍ ബി സെയ്‌നി 24, നാഥന്‍ ലിയോന്‍ എല്‍ബിഡബ്ല്യു ബി ജഡേജ 0, ജോഷ് ഹെയ്‌സല്‍വുഡ് നോട്ടൗട്ട് 1, എക്‌സ്ട്രാസ് 10 ആകെ 338.

വിക്കറ്റ് വീഴ്ച: 1-6, 2-106, 3-206, 4-232, 5-249, 6-255, 7-278, 8-310, 9-315.

ബൗളിങ്: ജസ്പ്രീത് ബുംറ 25.4-7-66-2, മുഹമ്മദ് സിറാജ് 25-4-67-1, രവിചന്ദ്രന്‍ അശ്വിന്‍ 24-1-74-0, നവ്ദീപ് സെയ്‌നി 13-0-65-2, രവീന്ദ്ര ജഡേജ 18-3-62-4.

ഇന്ത്യ: ഒന്നാം ഇന്നിങ്‌സ്: രോഹിത് ശര്‍മ സി ആന്‍ഡ് ബി ഹെയ്‌സല്‍വുഡ് 26, ശുഭ്മാന്‍ ഗില്‍ സി ഗ്രീന്‍ ബി കമ്മിന്‍സ് 50, ചേതേശ്വര്‍ പൂജാര നോട്ടൗട്ട് 9, അജിങ്ക്യ രഹാനെ നോട്ടൗട്ട്് 5, എക്‌സ്ട്രാസ് 6, ആകെ രണ്ട് വിക്കറ്റിന് 92.

വിക്കറ്റ്് വീഴ്ച: 1-70, 2-85.

ബൗളിങ്: മിച്ചല്‍ സ്റ്റാര്‍ക്ക് 7-4-19-0, ജോഷ് ഹെയ്‌സല്‍വുഡ് 10-5-23-1, പാറ്റ് കമ്മിന്‍സ് 12-6-19-1, നാഥന്‍ ലിയോന്‍ 16-7-35-0.