ന്യൂദല്ഹി: ഇന്ത്യയില് കുറവ് പ്രതിദിന കോവിഡ് കേസുകള് റിപ്പോര്ട്ട് ചെയ്യുന്നത് തുടരുന്നു. കഴിഞ്ഞ 24 മണിക്കൂറിനുള്ളില് വെറും 18,139 പേരെ മാത്രമാണ് പോസിറ്റീവായി കണ്ടെത്തിയത്.
കഴിഞ്ഞ 24 മണിക്കൂറിനുള്ളില് 234 മരണം റിപ്പോര്ട്ട് ചെയ്യപ്പെട്ടിട്ടുണ്ട്. ഈ മരണങ്ങളില് 76.50 % എട്ട് സംസ്ഥാനങ്ങളിലും, ആണ്. ഏറ്റവും കൂടുതല് പേര് മരിച്ചത് മഹാരാഷ്ട്രയിലാണ് (72). കേരളത്തിലും, ഡല്ഹിയിലും യഥാക്രമം, 25 ഉം, 19 ഉം പേര് മരിച്ചു.
ഓരോ ദശലക്ഷം പേരിലും ഇന്ത്യയുടെ മരണം 109 ആണ്. 18 സംസ്ഥാനങ്ങളില് ദേശീയ ശരാശരിയേക്കാള് ദശലക്ഷക്കണക്കിലെ മരണസംഖ്യ കുറവാണ്.
രാജ്യത്തെ രോഗബാധിതരുടെ എണ്ണം ഇന്ന് 2,25,449 ആണ്. ആകെ രോഗികളുടെ എണ്ണത്തിന്റെ 2.16 ശതമാനമായി നിലവിലെ രോഗബാധിതരുടെ എണ്ണം ചുരുങ്ങിയിട്ടുണ്ട്.
കഴിഞ്ഞ 24 മണിക്കൂറിനുള്ളില് 20,539 പേര് രോഗമുക്തരായി. ആകെ രേഖപ്പെടുത്തിയ രോഗബാധിതരുടെ എണ്ണത്തില് നിന്ന് 2,634 കേസുകളുടെ കുറവ്.
ആകെ രോഗമുക്തരുടെ എണ്ണം ഇന്ന് 10,037,398 ആയി. രോഗമുക്തി നിരക്ക് 96.39 ശതമാനമായി ഉയര്ന്നു. രോഗമുക്തി നേടിയതില് 79.96% പത്തു സംസ്ഥാനങ്ങളിലും, കേന്ദ്രഭരണ പ്രദേശങ്ങളിലുമാണ്.
പുതിയ 5,639 രോഗമുക്തരുമായി കേരളം ഏറ്റവും ഉയര്ന്ന പ്രതിദിന രോഗമുക്തി റിപ്പോര്ട്ട് ചെയ്തു. കഴിഞ്ഞ 24 മണിക്കൂറിനുള്ളില് മഹാരാഷ്ട്രയില് 3,350 പേരും, പശ്ചിമ ബംഗാളില് 1,295 പേരും രോഗമുക്തരായി.
യുകെയില് ആദ്യം റിപ്പോര്ട്ടു ചെയ്ത ജനിതകമാറ്റം വന്ന കൊറോണ വൈറസ് ബാധിച്ചവരുടെ ആകെ എണ്ണം രാജ്യത്ത് ഇപ്പോള് 82 ആണ്.
