ന്യൂദല്ഹി: കോവിഡിനെതിരായ മുന്കരുതലുകള്ക്കായി ബോളിവുഡ് താരം അമിതാഭ് ബച്ചന്റെ ശബ്ദം കോളര് ട്യൂണില് നിന്ന് നീക്കംചെയ്യാന് കേന്ദ്രത്തിന് നിര്ദേശം നല്കണമെന്ന് ആവശ്യപ്പെട്ട് ദില്ലി ഹൈക്കോടതിയില് പൊതുതാല്പര്യ ഹര്ജി. കോവിഡിനെതിരേ പോരാടുന്നതിനുള്ള പ്രതിരോധ നടപടികളെക്കുറിച്ച് ജനങ്ങളെ ബോധവാന്മാരാക്കുന്നതിനായി സര്ക്കാര് ബച്ചനെയാണ് നിയോഗിച്ചത്. എന്നാല് ബച്ചനും കുടുംബത്തിലെ മറ്റ് അംഗങ്ങള്ക്കും അതില് നിന്ന് രക്ഷപ്പെടാന് കഴിഞ്ഞില്ലെന്ന് ഡല്ഹി നിവാസിയും സാമൂഹിക പ്രവര്ത്തകനുമായ രാകേഷ് സമര്പ്പിച്ച ഹര്ജിയില് പറയുന്നു.
അമിതാഭ് ബച്ചന് പശ്ചാത്തലം സുതാര്യമല്ല, നിരവധി കേസുകളില് ഉള്പ്പെട്ടിട്ടുണ്ട്. പല കോടതികളിലും അതിന്റെ നടപടികളില് പുരോഗമിക്കുകയാണ്. അതുപോലെ തന്നെ അദ്ദേഹം ഒരു സാമൂഹ്യ പ്രവര്ത്തകനെന്ന നിലയില് രാജ്യത്തെ സേവിക്കുന്നില്ലെന്ന് ഹര്ജിയില് ആരോപിക്കുന്നു. മാത്രമല്ല, സൗജന്യമായി കോവിഡിനെതിരേ പോരാടാന് നിരവധി പേര് സജ്ജമാണെന്നിരിക്കെ സര്ക്കാരില് നിന്ന് പണം വാങ്ങിയാണ് ഇത്തരം പ്രതിരോധ നടപടി സന്ദേശങ്ങള് ബച്ചന് ചെയ്യുന്നതെന്നും ഹര്ജിയില് പറയുന്നു. ജനുവരി 18 ന് ഹര്ജി കോടതി വീണ്ടും പരിഗണിക്കും.
