പാലക്കാട്: വാളയാര് കേസില് സിബി ഐ അന്വേഷിക്കണമെന്ന് വാളയാര് പെണ്കുട്ടികളുടെ അമ്മ.
കേസന്വേഷിച്ച് പൊലീസ് ഉദ്യോഗസ്ഥര്ക്കെതിരെ നടപടിയെടുക്കണമെന്നും പുനരന്വേഷണം ആവശ്യപ്പെട്ട് സുപ്രീംകോടതിയെ സമീപിക്കുമെന്നും വാളയാര് നീതി സമരസമിതി വ്യക്തമാക്കി.
നിലവിലെ തെളിവുകളുടെ അടിസ്ഥാനത്തില് പുനര്വിചാരണ നടത്തിയാല് പ്രതികള് ശിക്ഷിക്കപ്പെടില്ല. അതിനാല് പുനരന്വേഷണം തന്നെയാണ് നീതികിട്ടാന് സഹായകരമാവൂ എന്നതാണ് വാളയാര് നീതിസമര സമിതിയുടെ ആവശ്യം.
ബുധനാഴ്ച ഹൈക്കോടതി ഡിവിഷന് ബെഞ്ച് വാളയാര് കേസിലെ പ്രതികളെ വെറുതെവിട്ട പോക്സോ കോടതി വിധി റദ്ദാക്കുകയും പ്രതികളോട് വിചാരണക്കോടതി മുംപാകെ ജനവരി 20 ഹാജരാകാനും ഉത്തരവിട്ടിരുന്നു. നാല് പ്രതികളില് ഒരാളായ പ്രദീപ്കുമാര് ആത്മഹത്യയെന്ന് സംശയിക്കുന്ന സാഹചര്യത്തില് മരിച്ചു. വലിയ മധു, ചെറിയ മധു, ഷിബു എന്നിവരാണ് മറ്റ് മൂന്ന് പ്രതികള്.
