വാകാത്താനം: വാകത്താനം ഗ്രാമപഞ്ചായത്ത് തുടര് ഭരണം കിട്ടിയെങ്കിലും സിപിഎമ്മില് നിന്നും അണികളുടെ കൊഴിഞ്ഞ് പോക്ക് തുടരുന്നു. പുത്തന്ചന്ത ബ്രാഞ്ച് സെക്രട്ടറി മാത്യു ഡേവിഡ് (മോനിച്ചന്)ന്റെ നേതൃത്വത്തില് 35 ഓളം കുടുംബങ്ങളില് നിന്നും 150 ല്പ്പരം സിപിഎം പ്രവര്ത്തകരം അനുഭാവികളുമാണ് കോണ്ഗ്രസ്സില് ചേര്ന്നത്. മുന് മുഖ്യമന്ത്രി ഉമ്മന് ചാണ്ടി പുതിയതായി പര്ട്ടിയില് എത്തിയവക്ക് അംഗത്വം നല്കി.
തദ്ദേശ സ്വയംഭരണ തെരഞ്ഞെടുപ്പിലെ സ്ഥാനാര്ത്ഥി നിര്ണ്ണയത്തെ തുടര്ന്നാണ് സിപിഎമ്മില് പൊട്ടിത്തെറി ഉടലെടുത്തത്. പാര്ട്ടിക്ക് വേണ്ടി പണിയെടുക്കുന്നവരെ തഴഞ്ഞ് ഓര്ത്തഡോക്സ് സഭ നിര്ദ്ദേശിച്ചയാളെ പാര്ട്ടി സ്ഥാനാര്ത്ഥിയാക്കിയതാണ് പ്രശ്്നങ്ങള്ക്ക് തുടക്കം. വാകത്താനം ഗ്രാമപഞ്ചായത്ത് 18-ാം വാര്ഡിലാണ് സിപിഎം പ്രവര്ത്തകരെ തഴഞ്ഞ് ഓര്ത്തഡോക്സ് സഭയുടെ ആളെ സ്ഥാനാര്ത്ഥിയാക്കിയത്.
ഈ വാര്ഡില്കോണ്ഗ്രസ് വലിയ ഭൂരിപക്ഷത്തിലാണ് വിജയിച്ചത്. സഭയുടെ സിപിഎം സ്ഥാനാര്ത്ഥി തോറ്റു എന്നുമാത്രമല്ല തീരെവോട്ടും കുറഞ്ഞുപോയി. വാകത്താനത്ത് കമ്മ്യൂണിസ്റ്റ് പാര്ട്ടിയുടെ പ്രാരംഭ പ്രവര്ത്തനങ്ങള്ക്ക് തുടക്കം കുറിച്ചത് കടുവാകുഴി സമരത്തിലൂടെയായിരുന്നു. സമരത്തിന്റെ പ്രാധാന്യം മനസ്സിലാക്കി അന്നത്തെ പാര്ലമെന്റില് പ്രതിപക്ഷ നേതാവായിരുന്ന എ.കെ.ഗോപാലന് നേരിട്ടെത്തിയിരുന്നു.
അന്നത്തെ സമരത്തില് ക്രൂരമായ പോലീസ് മര്ദ്ദനത്തിന് ഇരകളായവരും അവരുടെ പിന്തലമുറക്കാരുമാണ് പാര്ട്ടിയിലെ പുതുതലമുറക്കാരുടെ അവഗണനയിലും മേല്ക്കോയ്മയിലും പ്രതിഷേധിച്ച് സിപിഎം വിട്ടത്. പാര്ട്ടി വിടാന് നേതൃത്വം നല്കിയ പുത്തന്ചന്ത ബ്രാഞ്ച് സെക്രട്ടറി മാത്യു ഡേവിഡിന്റെ അച്ഛന് ഈ സമരത്തില് പങ്കെടുത്ത് ക്രൂരമായി മര്ദ്ദനം ഏറ്റതാണ്. നേതൃത്വത്തെ ഞെട്ടിച്ച് പ്രവര്ത്തകര് കൊഴിഞ്ഞുപോകുന്നത് വാകത്താനത്ത് സിപിഎമ്മില് വലിയ പ്രതിസന്ധിയാണ് സൃഷ്ടിച്ചിരിക്കുന്നത്.
