ചാവക്കാട്: സദാചാര പോലീസ് ചമഞ്ഞ് യുവതിയെ ഭീഷണിപ്പെടുത്തുകയും അപമാനിക്കുകയും ചെയ്ത കേസില്‍ അഞ്ച് പേരെ പോലീസ് അറസ്റ്റു ചെയ്തു.പാലുവായ് സ്വദേശികളായ കളത്തില്‍ ഷാബു(40), കളത്തില്‍ സനോജ്(35),കളത്തില്‍ ഷാജു(43),അമ്പലത്ത് വീട്ടില്‍ ജലാല്‍(39),ഏത്തായ് വീട്ടില്‍ രാജേഷ്(39) എന്നിവരെയാണ് ചാവക്കാട് എസ്എച്ച്ഒ അനില്‍കുമാര്‍ ടി.മേപ്പിള്ളി,എസ്‌ഐമാരായ യു.കെ ഷാജഹാന്‍,കെ.പി ആനന്ദ് എന്നിവരുടെ നേതൃത്വത്തില്‍ അറസ്റ്റു ചെയ്തത്.
വിദ്യാര്‍ത്ഥിയായ യുവതിയുടെ വീട്ടിലേക്ക് ആളുകള്‍ വരുന്നുമെന്ന് പറഞ്ഞ് യുവാക്കള്‍ ഭീഷണിപെടുത്തുകയും അപമാനിക്കുകയുമായിരുന്നു. ഇതേ തുടര്‍ന്ന് യുവതി ഉറക്ക ഗുളിക കഴിച്ചു ആത്മഹത്യയ്‌ക്ക് ശ്രമിച്ചിരുന്നു.
പ്രതികരിക്കാൻ ഇവിടെ എഴുതുക: