പാലക്കാട് : ദേശീയപാതയില്‍ കുതിരാനില്‍ വാഹനാപകടത്തില്‍ മൂന്ന് മരണം. ലോറികളും കാറും ഉള്‍പ്പെടെ ഏഴ് വാഹനങ്ങള്‍ കൂട്ടിയിടിച്ചാണ് അപകടം ഉണ്ടായത്. ഇതില്‍ കുടുങ്ങിക്കിടന്ന ഒരാളെ രക്ഷപ്പെടുത്തി. അപകടത്തെ തുടര്‍ന്ന് ദേശീയപാതയില്‍ മണിക്കൂറുകളോളം ഗതാഗതം സ്തംഭിച്ചു.
ഇന്ന് പുലര്‍ച്ചെ 6.45ഓടെയാണ് സംഭവം. തമിഴ്നാട്ടില്‍ നിന്ന് വന്ന ചരക്ക് ലോറി നിയന്ത്രണം നഷ്ടപ്പെട്ട് മുന്നിലും എതിര്‍ദിശയിലുമായി വന്ന വാഹനങ്ങളില്‍ ഇടിക്കുകയായിരുന്നു. തുടര്‍ന്ന് ഈ വാഹനങ്ങള്‍ മുന്നിലുണ്ടായിരുന്ന മറ്റ് വാഹനങ്ങളിലും ഇടിച്ചു. രണ്ട് സ്‌കൂട്ടര്‍ യാത്രികരും ഒരു കാര്‍ യാത്രക്കാരനുമാണ് മരിച്ചത്. പരിക്കേറ്റ യാത്രക്കാരെ ആശുപത്രിയിലേക്ക് മാറ്റി.
പ്രതികരിക്കാൻ ഇവിടെ എഴുതുക: