കോട്ടയം : ശിവഗിരി തീര്‍ത്ഥാടനത്തിന്റെ മുന്നോടിയായി ഗുരുധര്‍മ്മപ്രചരണ സഭ ജില്ലാ കമ്മിറ്റിയുടെ നേതൃത്വത്തില്‍ കാര്‍ഷിക വിളകളും പലവ്യഞ്ജനങ്ങളും ശിവഗിരി മഹാസമാധിയില്‍ സമര്‍പ്പിച്ചു.
ഭക്ത ജനങ്ങളില്‍ നിന്നും സ്വീകരിച്ച് ഗുരുദേവന്‍ ശിവഗിരി തീര്‍ത്ഥാടനത്തിന് അനുമതി നല്‍കിയ നാഗമ്പടം മഹാദേവ ക്ഷേത്രത്തിലെ തേന്മാവിന്‍ ചുവട്ടില്‍ കൂടിയ യാത്ര അയപ്പു യോഗം കോട്ടയം എസ്.എന്‍.ഡി.പി. യൂണിയന്‍ പ്രസിഡന്റ് എം. മധു ഉത്ഘാടനം ചെയ്തു. സഭ ജില്ലാ വൈസ് പ്രസി: അനിരുദ്ധന്‍ മുട്ടും പുറം അദ്ധ്യക്ഷത വഹിച്ചു. സഭ പി.ആര്‍. ഒ .ഇ.എം.സോമനാഥന്‍ ആ മുഖപ്രസംഗം നടത്തി. ജില്ലാ സെക്രട്ടറി സുകുമാരന്‍ വാകത്താനം പ്രോഗ്രാം കോ ഓര്‍ഡിനേറ്റര്‍ ഷിബു മൂലേടം, ട്രഷറര്‍ പി.കെ. മോഹന്‍ കുമാര്‍ , പി.കെ. രാജു , ടി.ജി.രവീന്ദ്രന്‍, മനോജ് നാട്ടകം എന്നിവര്‍ പ്രസംഗിച്ചു
യാത്രാസംഘം കണ്‍വീനര്‍ രാജു കരമേശേരിക്ക് പ്രസിഡന്റ് എം. മധു പാതാക കൈമാറി. യാത്രാ മദ്ധ്യേ വാകത്താനം, തെങ്ങണ എന്നിവിടങ്ങളിലും ഉല്പന്ന സമര്‍പ്പണം ഉണ്ടായി. വി.ആര്‍.പ്രസന്നന്‍ , ഷാജി, ആര്‍. സലിംകുമാര്‍ തുടങ്ങിയവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: