കരുനാഗപ്പള്ളി: നഗരസഭയില്‍ ചെയര്‍മാനായി കോട്ടയില്‍ രാജുവും വൈസ് ചെയര്‍പേഴ്‌സണായി സുനിമോളും ചുമതലയേറ്റു. പടിപ്പുര ലത്തീഫാണ് രാജുവിന്റെ പേര് നിര്‍ദേശിച്ചത്. റജി ഫോട്ടോപാര്‍ക്ക് പിന്താങ്ങി.
യുഡിഎഫ് പ്രതിനിധിയായി സിംലാലിന്റെ പേര് എം. അന്‍സാര്‍ നിര്‍ദ്ദേശിച്ചു. ബീന ജോണ്‍സണ്‍ പിന്താങ്ങി. എന്‍ഡിഎ പ്രതിനിധിയായി ശാലിനി കെ രാജീവിന്റെ പേര് സതീഷ് തേവനത്ത് നിര്‍ദ്ദേശിച്ചു. ശ്രീഹരി പിന്താങ്ങി. വോട്ടെടുപ്പില്‍ കോട്ടയില്‍ രാജുവിന് 25 വോട്ടും സിംലാലിന് 6 വോട്ടും ശാലിനി കെ രാജീവിന് 4 വോട്ടും ലഭിച്ചു. ഉച്ചയ്‌ക്ക് ശേഷം നടന്ന നഗരസഭ വൈസ് ചെയര്‍പേഴ്‌സണ്‍ തെരഞ്ഞെടുപ്പില്‍ എല്‍ഡിഎഫിലെ സുനിമോളുടെ പേര് എം. ശോഭന നിര്‍ദ്ദേശിച്ചു.
റജി ഫോട്ടോപാര്‍ക്ക് പിന്താങ്ങി. യു ഡി എഫില്‍ നിന്നും റഹിയാനത്തിന്റെ പേര് ശിബു നിര്‍ദ്ദേശിച്ചു. സിംലാല്‍ പിന്താങ്ങി. ബിജെപിയിലെ നിഷയുടെ പേര് ശാലിനിരാജീവ് നിര്‍ദ്ദേശിച്ചു. സതീഷ് തേവനത്ത് പിന്താങ്ങി. തുടര്‍ന്ന് ചെയര്‍മാനായി കോട്ടയില്‍ രാജുവിനെയും വൈസ് ചെയര്‍പേഴ്‌സണായി സുനി മോളേയും തെരെഞ്ഞെടുത്തതായി വരണാധികാരി പ്രഖ്യാപിച്ചു.
പ്രതികരിക്കാൻ ഇവിടെ എഴുതുക: