മഹാമാരിക്കെതിരായ പ്രതിരോധത്തില്‍ ചരിത്ര നേട്ടം സ്വന്തമാക്കി ഇന്ത്യ: കൂടുതല്‍ രോഗികളുടെ നാണക്കേടുമായി കേരളം

ന്യൂദല്‍ഹി: കോവിഡിനെതിരായ പോരാട്ടത്തില്‍  ചരിത്ര നേട്ടം കൈവരിച്ച് രാജ്യം മുന്നേറുകയാണ്.  

കഴിഞ്ഞ ആറുമാസത്തിനിടെ ഇതാദ്യമായി പ്രതിദിന രോഗബാധിതരുടെ എണ്ണം 19, 000 ല്‍ താഴെ എത്തി.24 മണിക്കൂറിനിടെ രാജ്യത്ത് റിപ്പോര്‍ട്ട് ചെയ്യപ്പെട്ടത് 18, 732 കേസുകള്‍ മാത്രം.2020 ജൂലൈ ഒന്നിന്  റിപ്പോര്‍ട്ട് ചെയ്യപ്പെട്ടത് 18653 കേസുകളായിരുന്നു.

പുതുതായി രോഗം സ്ഥിരീകരിക്കപ്പെട്ടതില്‍ 76.52 ശതമാനവും 10 സംസ്ഥാനങ്ങളില്‍ നിന്നാണ്.3527 പേര്‍ക്ക് രോഗം സ്ഥിരീകരിച്ച കേരളമാണ് പട്ടികയില്‍ ഒന്നാമതെത്തിയത്.രണ്ടാംസ്ഥാനത്തെത്തിയ മഹാരാഷ്‌ട്രയില്‍ 2854 പേര്‍ക്ക് പുതുതായി രോഗം സ്ഥിരീകരിച്ചു.

24 മണിക്കൂറിനിടെ 279 പേരാണ് കോവിഡ് ബാധിച്ച് മരണമടഞ്ഞത്. ഇതില്‍ 75. % 10 സംസ്ഥാനങ്ങളില്‍ നിന്നാണ്. ഏറ്റവും കൂടുതല്‍ പേര്‍ മരിച്ചത് മഹാരാഷ്‌ട്രയിലാണ്(60).പശ്ചിമബംഗാളില്‍ 33 ഉം  ഡല്‍ഹിയില്‍ 23 ഉം  മരണം  റിപ്പോര്‍ട്ട് ചെയ്തു.കേരളത്തില്‍   3782 പേരും പശ്ചിമബംഗാളില്‍ 1861 പേരും ഛത്തീസ്ഗഡില്‍ 1764 പേരുംകോവിഡ്  രോഗമുക്തി  നേടി.

രാജ്യത്ത് നിലവില്‍ ചികിത്സയില്‍ കഴിയുന്നവരുടെ എണ്ണം 2.78 ലക്ഷം (2,78,690 ) ആയി  കുറഞ്ഞു.  കഴിഞ്ഞ 170 ദിവസത്തിനിടെ റിപ്പോര്‍ട്ട് ചെയ്യപ്പെടുന്ന ഏറ്റവും കുറഞ്ഞ നിരക്കാണ് ഇത്

ചികിത്സയില്‍ കഴിയുന്നവരുടെ എണ്ണത്തില്‍ തുടര്‍ച്ചയായ കുറവാണ് രാജ്യത്ത് ഉണ്ടാകുന്നത്. ആകെ രോഗബാധിതരുടെ 2.74 ശതമാനം മാത്രമാണ് നിലവില്‍ ചികിത്സയിലുള്ളത്.

97, 61 538 പേര്‍ക്കാണ് രാജ്യത്ത് രോഗം ഭേദമായത്. രോഗബാധിതറും  രോഗമുക്തി നേടിയവരും തമ്മിലുള്ള അന്തരം തുടര്‍ച്ചയായി ഉയരുകയാണ്. ഒടുവിലിത്  95 ലക്ഷത്തോളം( 94, 82, 848 ) ആണ്. നിലവില്‍ 95.82 ശതമാനമാണ് കോവിഡ് മുക്തി നിരക്ക്.